الله يخليك لخفوقٍ عاش يتنفس هواك=يمرر أسمك في عروقه والضلوع تناوله
اللي ليا منه تذكر فرق وصلك عن جفاك=بكا بدمعة من يكابر والحزن متحاوله

كل ما دوّرت لـوصالـك طريقـه=ما لقيت من الظروف / الاستطاعه !
الحقيقـه .. والحقيقـه والحقيـقـه=والله ان الكنـز : ماهـو بالقناعـه
القناعه :-عذر مـن وقتـه يعيقـه=المثل هذا آسمه الاصلـي : إشاعـه
البطا :-حسره وتنيهـده وضيقـه=الله انه .. لا يبـارك فـي القطاعـه
جيت وسلوم القبايل فـي حريقـه=شوفتك مكسب وهي كل الطماعه !
آتمنى شوفتك لـو هـي .. دقيقـه=خل عاد إذا آحصلت لي ربع ساعـه

ان قلت لك قبل الحكي مد يمناك=حل السلام وقبل ما تطلب أعطيك
وان رد طرفك مستحي لا عدمنك=بعثرت لك ورد المحبه حواليك
هنا أحتفالاتي بجيتك وهناك=روحي على لحن الغلا تحتفي فيك
من الشموع أفتح قناديل ظلماك=وعن الدموع أقفل جميع الشبابيك

ياهلا ومية هلا يارحب وميـة رحـب=الرحب تنقل رحب والهلا تنقـل هـلا
لين تاصل غاية مناك يا أغلى من نحب=إن سلا قلبك مـن الحـب ولا ماسـلا
شوفتك عندي بساتين وأطلال وسحـب=ووحشتك يوم أبتعد عنك يادافع البـلا

أنا أساساً ماقدرت أستوعب أسباب الغياب=والمشكله حتى رجوعك ما قدرت أستوعبه
أول حياتي في وجودك حلم وغيابك عذاب=واليوم تكفى لا تعيشني بنفس التجربه

والله لو تلمس اللي داخلي من شعور=ما كان قلبك بصدَه والجفا ردًني
قتلت قلبي وخلًيت الحنايا قبور=حسبي على قلبي اللي بالهوى حدًني