قال أعشقك .. قلت آآه من حرّّ مابي=لا منكـر ٍ عشقـك ولانـي بجاحـد
لكن .. أبسأل يـا مجـدد صوابـي=دام إن فعلـك مـع كلامـك تلاحـد
وشلون تعشقني..وتعشـق عذابـي=هو يجتمع عشقين .. في قلب واحد؟!

ياليت بعض الرسايل طمًنت خوفي=ماخلًت الهم والهوجاس يلعب بي
أزعجتك اليوم بس لا تحسب حروفي=حرف (ن) كتبته وحرف(ن) يكتبه قلبي

عز الكلام وخيّم الحزن والصمت
والجرح الأول رافقه جرح ثاني
رفعت طرفي للسماء فوق وأقسمت
أني حبيس المهجرين بزماني
كني عن أيامي وعثراتها نمت
وصحيت أذكّر كل جرحٍ نساني
عشت وتعايشت وهقيت وتوهمت
وأخذت وأعطيت ومنعت وعطاني
المستحيل اللي على مصافحه همت
عن كل واقع في حياتي خذاني

هلا ! والا هلا كم قلتها قبلك لذاك وذاك=آبدور كلام (ن) ما سمعته وأنثر أشواقي
سرقت القلب بأسلوبك وتفكيرك وفز وجاك=وقمت آرد قلبي وأثرني حبيت سرًاقي

يامرحبـا واعـداد همـال الامـزان=بالخط واللـي مطلـقٍ لـي سراحـه
عل الفـرح ينقادلـه ويـن ماكـان=يسعد مسى ليلـه ويسعـد صباحـه
لابـاس ياتـاج القـوافـي والاوزان=مـاراح لايسهـر عيونـك مـراحـه
ياصاحـبـي ماللمقـاديـر خــلان=والوقت محـدٍ سالـمٍ مـن رماحـه

يا لاهب الذكرى على بارد الشوق=ذكرى لها في داخل القلب عايق
صكت على بيض الليالي كما الطوق=تقرع جدار القلب قرع الرقايق

كـل يـوم اضيـق وانـام زعلانـه=وان صحيت اصحى وانا خاطري شيني
مايفيد القول لـو قلـت: (غلطانـه)=الحقايـق واضحـه يانظـر عيـنـي
قلبـي اللـي مـات قفلـت بيبـانـه=وانتهيـت وفينـي اللـي مكفيـنـي


.

أنا أنتظر رجعة اللي غيًبته الظروف=اللي له القلب ديره والحنايا وطن
والا أنت يا صاحبي في داخلي منك خوف=أخاف أشوفك محاسن يطلع أسمك حسن