السبيه
وش نقول وش نعيد
شاعر فذ
جماليات متنهايه مع كل كلمه تكتبها
شاعر بمعنى الكلمه
تطرب يا سبيه
لكن خلني اجاريك بعد اذنك
انت مبدع وشرف لي مجاراتك

العيون الي تناظر كم قلوبٍ مرتميه=عند نون العين الاسود لا تطّوف في حورها
كيف لو ناظرت وحدك في عيونٍ مغتنيه=بالكحل لاشفترسمه قلت بالريشه رسمها
يا هني الكحل وحده يا سبيه ياهنيه=لجل لون الكحل لامس عينها لو من طرفها
العيون النرجسيه شتت قلب السبيه=قام يتوجد وروحه تاتعنى من قهرها
يا عليه يا سبيه يا عليه يا عليه=قطع الله النواظر كان ما تعطيك منها
قام قلبك يا توجد يشكي الروح الشقيه=كن عينك يا سبيه تشتكي كثرت سهرها
لام ربي من يلومك في محاكاة البنيه=انت ما توصف هباءً عندما ذبت ابسحرها
كني احس ابغرامك ما بقى عندك بقي=ذبت ما بين النواظر كيف لو توصف نحرها
كل كلمه من قصيدك كنها ورده نديه=والقصيده يا سبيه طفلة تنثر شعرها
القصيده يا سبيه اعطها منك هديه=خلها تعرف شعورك والقصيده في صدرها
الحق الأيام تجري والأماني منتهيه=اغتنم وقت بسرعه لا تبين لك كدرها

حضر الهمس وحضر معه الجمال فيامليون مرحبا
واتشرف بمجارتك الرائعه لقصيدتي المتواضعه

مرحبا ياالشاعر اللي مابنلقا له سميه=شاعرن يجبرك تنصت للقصيده لاذكرها
لاترنّم باالمعاني والحروف الابجديه=فاق عن كل الجمل من مبتداها لا خبرها
ماتغزلنا بنضرات العيون المنعميه=الغزل في كحل عينن رمشها يقرب خطرها
لاتلوم القلب صابه طعنة الرمح القويه=واللي قلبه مات حسه قد لقت روحه عذرها
والعيون اللي على شوف الخطا والسوءجريه=لوتشوف الارض ماتفرق حجرها من مدرها
لو مشاعر خاطري عن شوف عيني مختبيه=كان ماقلنا القوافي في القصيد ولا نثرها
انا صفيت القوافي مثل صف العسكريه=امرها باالغصب نافذ ماحد ابيعصا امرها
لاسرت من خاطري تندب كما ندب السريه=بعد مادقو طبول الحرب والفارس شمرها
كان لي حبر القلم في كل دفتر منهجيه=وكانت اوراقي قنادل حرفها يضوي سطرها
ماشكيت ولابكيت على الحظوظ العثريه=زان حضي والسعاده يحتوي قلبي قدرها
فاالعيون النرجسيه لي محل ولي هويه=فاالعيون النرجسيه ليلتي يهنا سمرها

اااااااه ياعينٍٍ خذتني في شواطيها العتيه=تهت فيها غصب عني ليت بابقى في بحرها
يوم هبت ريح رمشه مثل ريحٍ موسميه=ينفض الصحرا هواها لين تخلى من شجرها
العيون الي توراى خلف شاشه مقطعيه=باهيه متمكنه باوصافها تصفى صورها
العيون الي اذبحتني والرموش المعتليه=تا تلاعب بالنواظر كنها تعلن نصرها
البراقع ساحرتني لا كست عين ابدويه=كل نظره تشتعل بي كنها نار ابسعرها
مالها بالكون صاحب غير هذيك الصبيه=لو تقول الكون كله من قراها لا حظرها
يوم شفت اعيون تسلب روح فيها مهتويه=قلت هذا ما حسبته يوم كم روحٍ دمرها
كم ضحايا يوم ترمش كم رقابٍ ملتويه=كن هذا منتهاها كن هذا هو قدرها
وانت يا شاعر قصيدك بالقوافي ممتليه=انت بحر اوغيرك اصبح ينحت الشعر ابحجرها
زان عالمنا بشعرك والكواكب محتفيه=السبيه في حظوره يطرب الي قد حظرها