الله الى رااد والعقدة قضها الي عقدهــــــــــــــا
لاعلى الدنيا السلام ولالباقي العمر زينــــــــــة

كنهم من يوم ذيك الشمس غابت عن بلدهـــــا
طلعوني في النفود وصكوا ابواب المدينــــــــــه

كنهم من يوم ذيك الذاهبه محد وجدهـــــــــــــــا
كل رجال من الشرهه قلعه الدرب عينـــــــــــــه

أثرها ما تت وماتت كل فرحه في مهدهــــــــــــا
والربيع اقفت به اللي كانت التاج لجبينــــــــــــه

جاورت عقب الحدايق حفرة مقسا لحدهـــــــــــا
حفرة ماني مصدق كيف ضمت يا سميــــــــــــنه

للحزن فيني مثل ما لطهاره في جسدهــــــــــــــا
ويش اسوي لا فتشت اللي لها وسط الخزينـــــه

زخربت حلم وبنت له مسكن وسمت ولدهـــــــــا
آآه لو غرد ولدها في خميلة والديـــــــــــــــــــنه

عاهدتني وقبلة بيمين نقوى من عهدهــــــــــــــا
والصبي لا خير فيه كان ما نفذ يمينـــــــــــــــــــه

ما تتقى عن رثاها عرق أقتض بشهدهـــــــ ـــــا
ولا تبقى خلف قضبان الجفن عذراء سجينــــــــه

كيف عند العالم ايام العزاء محصى عددهــــــــــا
ولا انا طالت شهوره والله اعلم كم سنينـــــــــــــه

لثرى فيها نبات ولا المشي خفف نكدهــــــــــــــــا
لسما فيها طيور ولا البحر يمه سفينـــــــــــــــــــه

لا القمر هذا مساه ولا العصي هذا رغدهـــــــــــا
لا الزهر هذا شذاه ولا الذهب هذا رنيــــــــــــــنه

قا لوا الشيخ الفلاني مرجع القوم وسندهـــــــــا
قال يبشر با العوض والعلم جينا نا قليـــــــــــــنه

ساق لك بدر البدور اللي نشدها من نشدهـــــــــا
قادر هزة عروش وخيبة روس ذهيلـــــــــــــــــــه

قسمها في رسمها في جسمها الافي رشدهـــــــا
واسمها أنجال الغضب قومه على الا لســـــــــــن
رطينه

أترك اناي وعطية شيخنا غنا لسعدهـــــــــــــــــــا
وانبسط يا عم ونسى اللي ورى التربه دفينــــــــه

قلت ولصدري تناهية تروع من شهدهــــــــــــــا
آآه وا ويلاه من يجذب على قلبي ضنينـــــــــــــه

خلوا اغلى ذاهبه ترعى ربيع اللي فقدهـــــــــــا
والعطا راعيه محدن صوبه الله لا يهينـــــــــــــه

لو ضمنت الجنه تفاحة القلب وشهدهــــــــــــــا
قلت من بكره عسا مجنونها تاقف سنينــــــــــه

الله اللي راد والعقده قضاها اللي عقدهـــــــــا
لا على الدنيا سلام ولا لباقي العمر زينـــــــــه