|
صح لسانك وعلى شانك ليل الوعد اتمنى تكون تعرف هذا البحر من بحور الشعر ماهـو زعـل راضـي بـمرك وحاليك لأكـن شـفـت الحـب بهـذلك وأشقاك جيت اشغلك ياخوك عـ الحب والهيك وأرتاح في قـربك وشوفــك ولامـاك مير البــلاء قلبــك عسى الله يشفيك شف حب قلــبـك وين يالــيـل وداك |
اخوى بدر بحور الشعر يا خوك عمق الغزر وعمق اشواقى واخاف تهوى بنا فى مهاوى ريح لا عليك يا بدر اخوك ربان واعرف مذاهيل البحر 00تشرفت بمعرفتك وبحرفك الراقى والرفيع بسمو اخلاقك وتواضعك والذى والله ابهرنى نتوقف الى الغد بامر الله ولنا لقاء على الود نلتقى وعلى الود نفترق احييك شاعرا بحجمك تمتلك مقومات الشعر وربان فى البحر والله الموفق ارجو ان تسامحنى فيما لو زليت لا قدر الله ولك منى العذر والسموحة ولنا عودة يا رائع
|
ليل الوعد عساك على القوه وبارك الله فيك وما عيك زود يالغالي ترى بحر محاورتنا بحر ((( المسحوب ))) والله اني سعدت بالمحاوره معك ولك مني جزيل الشكر والتقدير وعلى راحتك يابعدي بكره لنا لقاء وترى البديه عندك وبالعكس ما حصل منك قصور ولا زله فأنت راعي الاوله ووفقك الله إلى مايحب ويرضى تقبل تحيات أخوك الصغير / بدر البدور |
صحت السنتكم وابدانكم يا النشاما على هذا الابداع والقصائد الشعرية والمحاورة الجميلة
|
اخوى صقر حياك الله ويشرفنا مرورك يا الغالى ويا هلا ويا مرحبا بك وبالجميع
|
اخوى بدر مساك الله بالخير والجميع واليك ولو تكرمت ترى حنا على جال الهوى والوفاء لكم يا بدر
صدر المجالس على العز ترحيب = ومبخرة يا بدر من ريحة العود وعسى القعود اللى يقدم فالمواجيب = لك يا بدر حشمة ويا مقدم الجود انت الوفاء ومقدم الطيب بالطيب = وليل الوعد وديك الليالى تعود خط القلم زين المعانى للمكاتيب = من خاطر لك يا طيب الفال معدود |
الله ... محاورة ...ممتعة... صحة ... السنتكم... |
شاعرتنا بدوية تواجدك شرف لنا احييك على تواجدك الرائع بروعتك وتواضعك الجم
|
ليل الوعد صح لسانك يالغالي والله يبقيك وفالك الطيب يالنشمي مدري تبي ارد على قصيدتك ونمشي عليها والا اغير والا وش رايك طال عمرك |
اخوى بدر امر تدلل ونا عصاك اللى ما تعصاك وكل الموضوع هو اننى اتعلم من حرفك الراقى واستفيد منك وبشاعر بحجمك ابهرنى تواضعك يا رجل وحنا هنا اخوان نتعلم من بعض فقط لا غير والمقصود تحريك المخ ونا عندى رسالة ماجستير باحضرها وعلشانك خل الماجستير وانت دكتور الحرف والكلمة وتوقيعك على الشهادة يهمنى يا بدر يا دكتور
|
| الساعة الآن 02:16 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع