البدع:علي السبيه=
.=
يا معلّم كل ميدان لك به صولجان=
فارس الكلمه وشاعر قدير ومحكمي=
علمنا والشور واحد وانا لك وانت ليه=
ما تجاهلت المواثيق والا شنتها=
.=
.=
الرد:علي السبيه=
.=
قالو اهل الشعوذه والدجل وصّو لجان=
وانا شفت القصر بابه وثيق ومحكمي=
اقدر الوي الصلب بيدي وكم هاونت ليّه=
في المواقف يثبت الكفو واللاش انتهى=

البدع:إبن الجنوب=
*=
شلّة البيك اشغلونا وهم ونو ضحان=
واينحن ندري براعي البلد والمنتمي=
بعضهم لو كان حاضا عصور الجاهليه=
والله مايقرب حطبها ولا كبريتها=
*=
الرد:إبن الجنوب=
*=
حان وقت الحرب لاتدّرق والنوض حان=
أبنقطع جذر الفروع الخبيث المنتمي=
انا بسمع هرجتك وإنت ردّ الجاه ليّه=
شرهتي صادرتها من غلاك ابريتها=

البدع:علي السبيه=
.=
ادري ان البر خالي ولا يلحن ضبان=
خليت البرّان ماعد فيها مقسمي=
ماتشوف اهل القنص قبلنا مرّو سعيه=
وانا ماقد جيت منها ولا عديتها=
.=
.=
الرد:علي السبيه=
.=
ماحزينا من عديم الرجاء والحنضبان=
بعض الاخبار ماني عليها مقسمي=
وانا وانته مايجي شورنا م روس عيه=
هرجة الخوّان حوبه ولا عديتها=

البدع:إبن الجنوب=
*=
لو تهاجر ياعلي مامعك في امريكا أمان=
إبعد الشيطان دامك بخير ومنعمي=
المهاجر مامعه غير تعبات(ن)واذيّه=
ديرتك شالتك من صغرتك وانحيتها=
*=
الرد:إبن الجنوب=
*=
أمرك ماعد يسمع الناس له وامري كمان=
مدري أنا صبت الاهداف وإلآ منعمي=
لو قعدنا نطلب النجده من هذا وذيّه=
فاتنا تفتيت صلب الحصى وانحيتها=

البدع:علي السبيه=
.=
ديرتي يبقى له في العيون اغلا مكان=
وانا كم فيها نسجت القصيد المنضمي=
اهدت لي حب(ن) كبير اعتبره اغلا هديه=
لجلها لو ببذل الروح ما جازيتها=
.=
.=
الرد:علي السبيه=
.=
ديرتي خير الدير والمكان اغلا مكان=
من زلال امياته ياكم اروت من ضمي=
نحمد الله الخير موجود والاجواء هديه=
والمعامل بعد تكريرها جاء زيتها=