عاشوا المطاليق وسلموا ودام إبداعكم

يعطيك العافية ياصقرالجنوب على
اهتمامك وتشجيعك المتواصل
والغريب شاعر ماهو بسيط شاعر
له وزنه بين الشعراء والله يعلم من هو
صح لسانك يا الغريب وصح ابداعك
انت شاعرمتمكن بكل ما تعني الكلمة
استلم القصيدة على القارعة يا الغريب

تقصد رجال الجميل وتعتزي ياخ ب ارجال

والليل الاقشر غدا نومه هواجس و جهرا

احسبك طالب مع اهل الشعر واثرك معلم

كما شعاع البدر ما يشبهه وشع لمبه

سلمت ياعزيزي ولا عليك زود واستلم الرد
الضاهر انك عرفت اسمي وبالقى الخبر جال
واللي كتمنا من الاول بدى اليوم جهرا
لوكنت مانيب واثق صاحبي مايعلم
باشك في موقفه واقل علي وش علم به

مشرف رائع يقاتل لوحدة في اكثر من جبهه والباقي نوم عميق والاقصايد لاوزن ولا قافية

انت شاعر معروف ياالغريب
شاعر لك صولات وجولات
في القصايد ولكن الى ذلحين
ماعرفت اسمك ويكفيني فخر
اني اقصّد مع شاعر مثلك

استلم القصيدة على القارعة

لاتنتحي النجم الاول واتركه وانتقا التال
الى رقبت النجوم بتالي الليل غدرا
ولا تبين النجوم الا مع ليل ظالم
شعاعها عالمياه المالحه والعذابه

يعطيك العافية يا المهلهل وشكرا لك
على كلامك الطيب واطرائك الجميل
وياسيدي انا شاعر غلبان يعني شويعر
ماني بشاعر والبركه في الشعّار الموجودين
في المنتدى وانت من ظمنهم ياالمهلهل
لك مني خالص التقدير والاحترام

سلمت وصح لسانك على هذا البدع الرائع واستلم الرد
يامن رماني بنظرة عابره فانت قتال
قتلتني مثل من يقتل عدوه بغدرا
وش حجتك يوم تلقى الله قاتل وظالم
وش تعتذر به وش اللي يمنعك من عذابه

الله الله يالغريب
رد ولا اروع
استلم القصيدة

الغيم الى حثّه البارق بماين من الحال
والسيل من بعد ما حث البرد مال همرا
من بعد سيله بتنعم كل ديره بنيعم
والخير في كل منزل فايضً من عتابه

استلم الرد يابن العم مع الشكر
مثلك نجلّ احترامي له ويامر على الحال
واللاش ماله عليك ولا علينا ولاامرا
أنا لي الفخر لاسرت انت وأنا بني عم
واللي تحبه وتزعل منه تكثر عتابه