الرد:إبن الجنوب=
*=
ياصيد عيسان باقي لك تدور الدواير=
طموحي أكبر من اقول الضبا والقنص فات=
مادام عندي في المحزم رصاصن وقتّال=
بعد معي لك طريقه ياحسين الرقابي=
يمكن تساها بها القنّاص ماصادفت له=

البدع:علي السبيه=
.=
ما ازوّر امري في المنهج ولا امريك زاير=
منكم يجينا الوفا ياصاحبي والولا يات=
ما نطمع الا لمخيال السحايب والاحوال=
وناوي(ن) يرتوي منه الورق والشعوبي=
يتداول الوقت ما يوقف ولا كلّ دوله=

الرد:إبن الجنوب=
*=
من دار صقر العروبه جيت لامريكه زاير=
وإن شاءالله الوقت يسعفني وأطوف الولايات=
ومن نشدني عن الاوضاع في كل الأحوال=
دوله عظيمه وضمّت من جميع الشعوبي=
مسيطره في سياستها على كل دوله=

البدع:علي السبيه=
.=
فرقت بين الحجار القاسيه والكوادر=
مثيل فرق العلوم الثابته والوزارات=
ما فدّتني ياالجهاز اللي مدمّر وعطّال=
رصاصنا صوّب اهدافه ومنكل صوبي=
يقدح شراره ومن شافه يجيب العما له=

الرد:إبن الجنوب=
*=
الواسطه ضدّ راعين الفكر والكوادر=
ماضيّع المبدعين إلا نظام الوزارات=
كم واحدن بات متعلّم وقاعد وعطّال=
وضاع مستقبله وأحتار من كلّ صوبي=
أقصاه ذاك النظام اللي يجي بالعماله=

البدع:علي السبيه=
.=
اعلو ذنوب اللمم والا تراخو كباير=
كلن بعد ينتهي عمره على امر المنيات=
وفي دروب القوافل شفت حادي وجمّال=
لو سرت في حاشر النّو يقفل الماء دروبي=
والناس ما يمدحون الحاكم الا رياء له=

الرد:إبن الجنوب=
*=
أكبر مصيبه في الدنيا ترى أخوك باير=
ماعد بقي إلاّ يقول أنا مشبّه من أيّات=
على صروف الزمن ماهو مساعد وجمّال=
حلفت بالله لانسى عالمن مادروا بي=
مادام مافاد راعي الحاجه إلا رياله=

البدع:علي السبيه=
.=
في خاطري بشتري لي من جديد الهوامر=
ولا الحق البرك والنعناع والحبق سيّات=
واشوف ذاك الذي كال الذره والحبش كال=
ميّزت بين الخليج المنهمر والسرابي=
والصيد ما كل قانص في البوادي غزا له=