البدع:علي السبيه=
.=
شر باالعلاج الذي يبري المرض والدوى شر=
والبدر يآسر قلوب اهل الهوى ماوحا اسرات=
ما تثبت الحجه اللي كلها زور وابطال=
واهل الوفا ما رمت وصلك ولا منك تابي=
للبحر من يسبحونه ماتجي بالخطاء له=

الرد:إبن الجنوب=
*=
أهل الدلع وش يجي من عندهم والدواشر=
إلا علومن تزيد القلب همّ وحسرات=
ياوقت غيّبت عن عيني مطاليق وابطال=
شيماتهم ماهوت في روسهم من كتابي=
يوم العلوم الكوامل ماتجي بالخطاله=

البدع:علي السبيه=
.=
للحب في المزرعه زارع وحاصد وصابر=
كلن يقول اعطني قسمي وعجّل وهىّ هات=
مامد كف البخل وقت العطايا ولا نال=
وقبة الصخره فيها العز واغلا قبابي=
يا قلب ودي تصل شوقك وودي تناله=

الرد:إبن الجنوب=
*=
ياهيل قلبي على فرقاك ضايق وصابر=
ضيّعت وقتي بترديد الحسايف وهيهات=
محسبك تجفى اللذي يسعى لقربك ولا نال=
جازيتموني بكثر الصّد وإغلاق بابي=
صعب الطريق اللذي يازين ودّيتنا له=

البدع:علي السبيه=
.=
يازين واصل حبيبك قبل موته وتاجر=
ترى نهاياتنا من بعد صدك وشيكات=
ماعد با اعدّل الروس الحنيّه والاموال=
خسران منهو يسيب الفود والمنح سابي=
ما ودنا نمنع الرفقه ومنع الزماله=

ننسى الفقر وتذكّرنا به الله يسامحك يابو طلال...

الرد:إبن الجنوب=
لو كان عندي في المصرف حسابن وتاجر=
يكون للمعسرين أصرف مساكن وشيكات=
لكن ماني من أصحاب المصارف والاموال=
رصيدي أصبح صفر وش فايده من حسابي=
يقهرني اللي يطارد لاش من عزّ ماله=

البدع:علي السبيه=
.=
ما يقطع السيف الى منه غدى فيد فاتر=
كم من فراق الحبايب صار في الخّطر اشمات=
ازريت يا وادي الفرقا وصار الحب ارزال=
وزدت في خاطري تعبه وزاد الجوا بي=
راسي وانا من علو الفلق ريت الرّسا له=

الرد:إبن الجنوب=
*=
أنا كتبت المشاعر للغضي في دفاتر=
حتى أشتكت مني الاقلام والخطّ رشمات=
أتعبت روحي وبيّحت الورق والحبر زال=
وصاحبي من غروره مايرد الجوابي=
وإلا نشدتوه يحلف ماقريت الرّساله=

البدع:علي السبيه=
.=
نفيد في علمنا ماجا ورى علمنا ضر=
اعلامنا وافيه واحوالنا منعميات=
واليت عمي على فعل الشرف من ولا خال=
ما للقدم فوق سطح البحر الاحمر طبيبي=
والوقت تمضي صفوفه للبشر والدّواله=

الرد:إبن الجنوب=
*=
أشغلت راع العصا وأشغلت راع المناضر=
يالله عيونه تقدّيه الطّرق منعميات=
اللي بعيدن تعذّر ما يشوفه ولا خال=
حتى لو إنه لقي له في العياده طبيبي=
ماناولوه البشر نضّارته والدواء له=