|
العين مشتاقه
يا عاذلي .. ما تشوف العين مشتاقة
لولا الحيا جاوبتك بدمعها الصافي عطني جلد .. كان تنخاني على فراقه ودي الي من تركته ما أشبح خلافي لاح الجبين .. وجذبني نوض براقه حيثه ربيعي .. وورد الخد مصيافي والغصن لولا المطر ما أخضرت أوراقه يا كيف عشب الوسم يترك وينعافي بدر بن عبد المحسن |
على آخر تراب الأرض
علىآخر تراب الأرض ... أحسن أن المسافة شبر ... وكل الأرض ... ما تحمل تعب مشوار ... أحس إني ... رغم صغري ... تفاهة عمر ... في صدري ندم جبّار ... يا ليت ... يا ليت ... ما كانت لي عيونك أرض ولا عمري وقفت فـ يوم على آخر تراب الأرض ... تصّورتك ... وحزن الناس ... جرح النّاس ... وهم النّاس ... في عيونك .. تخوني النّاس وتخونك ... تصّورتك في شامة ليل ... على خَدِ السَّما الزرقا زحَام والدنيَا سهرانه ... أحَد نازل وَأحَد يرقى ... وأحَد مِثلك يخاف من الَبلل والطين ... يقول إن الرعد قاسي ... يحس ان المطر سِّكين يحسّ ان الذي يضحك ... يحس ان الذي يبكي ... لا حَد مسكين ... تصوّرتك ... ولا ادري ليه ... ولا أظنك بَعد تدرين ... يا انتي ان المسافه ِشبر ... يا انتي إن الليالي َصبر ... وكل الأرض ... ما تحمل تعب مشوار ... على آخر تراب الأرض ... على الميهاف ... ومرتني الليالي خفاف تَعدَّت عمري المعدود ... دِريت ان الَمدى محدود ... وان الليل لا شعرك ... ولا رمشك ... ولا شفت الشفق في خدود ... دريت اني عجزت املك ... ولو همّي ... ونزيف الجرح ... من دمي ... صحيح الدنيا ما تنشاف ... وانا وانتي على الدنيا ... وعلى الميهاف ... أحس ان المسافة شبر ... أحس إن الليالي ... صبر ... وكل الأرض ... ما تحمل تعب مشوار ... أحس إني رغم صغري ... وتفاهة عمر ... في صدري ندم جبار ... يا ليت ... ... يا ليت ... ما كانت لي عيونك أرض ولا عمري وقفت فـ يوم على آخر تراب الأرض ... بدر بن عبد المحسن |
صياح الباب
صياح الباب يكفي لا ظهرت وبكتم صياحي لك الله لو تبيني اصرخ حبيبي لا تهج الباب تكلم واحـــرق بنار العـــتب طــيني والواحي عيوني لك مرايا لو تبي وافتح ضلوعي كتاب وان مات الحكي ما عاد ينفع ضحكي ونواحي يقولون الذي كاره يلاقـــــي للفـــراق اســـباب حبيبي والوداع نعاس نجــــم والجفــن صاحي واحلام الرماد ولفتة تملي الدروب غــــــــــياب امانة لو عشقت في يوم غيري تذكر جراحي ولا تترك حبيبك ما بقى للعاشقين عـــــــــتاب مفارق والذي يخليك لحظة بطفي مصباحـــي تعرى الدمع ساعدني البسه الظلام ثيـــــــــاب بدر ابن عبد المحسن تحيـــــاتي |
لو مدى لي طرفة سلام
كفاً اصافحها وانوم هماً ينسيني الهموم هماً ينسيني الهموم بدر بن عبد المحسن |
يا كود حرفٍ لي كتبته بالأوراق مثــل السراب اللي يسلي بريقه والله لـــــو كل المخاليق عشاق ما شفــت لك نفسٍ تعذب دقيقه بدر بن عبد المحسن |
المحبه ارض
المحبه أرض والفــرقا أراضي والزمن كله ترى لاغـبت ماضي والله إني ما أشـوف إلا عيونك إن رحلت اليوم أو طوّل مراضي قالوا العــذّال والعـذّال مــــــرضى وش بلا حالك من الاشواق قاضي قلت يهجرني حبيبي ليـن يرضى علّموا الظالم ترى المظلوم راضي جرّحوني في هواك وقلت أبشكي ماهو من جرحي ولكن لـإعتراضي وش علي لو قطّعوا لاجلك عــروقي من رضى بالحب .. يرضيه التغاضي بدر بن عبدالمحسن |
صعب السؤال
صعب السؤال .. ليه نفترق صعب السؤال .. وين نلتقي إنتي الجنوب .. وأنا الشمال وما بيننا .. بحر .. ورمال لكن نحب .. والله نحب .. وفوق الخيال .. صعب السؤال يا اللي اجمل من كلامي عنك وأقرب من سكوتي آه يا طول المسافة بين احساسي وصوتي ما هو غريب .. إني أسألك و إنتي أنا .. كيف أوصلك لا مستحيل .. هذا الرحيل من يقطع الصمت الطويل ويــدلنـــي قصيدتي .. وين الحروف .. جف القلم يا ضايعه .. ببرد الكفوف .. رعشة ألم قصيدتي .. إلا الندم .. إلا الندم بتسافرين .. وانتي معي وبترجعين .. وانتي معي قصيدتي .. لا تسمعي .. غيري قصيد يا ساكنة افـ ورق الحشا .. وحبر الوريد بدر بن عبد المحسن تحيــــــاتي |
الاراضي كلها طين وحجاره
قل المطر مادري غضب ربي ولا حسدالنفوس ........ ارقد ...الله يخلي من خلق ارض ونجوم |
سوالف ليل
سوالف ليل .. بجنب المنقد الغافي .. على حد السهاد .. تحدثنا في تالي ليل .. زرعنا سرنا الخافي .. على شفاه الجمر معنى .. وخفنا الناس تسمعنا .. يا انتي .. لاتوادعنا... في تالي ليل لاتخافي .. بنلقى اللي بقي معنا .. سوالف ليل .. أو حفنة رماد ... بدر بن عبد المحسن تحيــــــــاتي |
الله الله جميل والاجمل من كذا ان طلال مداح غناها تسلم يديك والله كلك ذووووووووق اختيار ولا اروع من كذا
|
| الساعة الآن 02:17 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع