يقولون الهوى غلآب وأقول الهوى كذّاب=يهين أهله على المكشوف ماقدروا يهينونه
أنا مالي تجارب لكن أشوف اللذي ماتاب=تولّع في هوى ناس(ن)يجيبوه ويودّونه
يقفّل باب واصحاب السّياده يفتحون الباب=خذوا فنّ التلاعب نصب الاعيان ويجيدونه
عصابه والمشاعر عندهم توخذ بدون إحساب=وياكم طيّحوا مسكين واقفوا مايشيلونه
وياويل اللذي ولّم جيوشه ضدّهم حرّاب=لو إنّه مثل أبو زيد الهلالي حي يدفنونه
إلى منهم تولّوا قلب واحد لو يكون شباب=خذوا به لين شيّب في الغرام وطاحت أسنونه
وفيهم من يحدّون الشبا واللي يحدّ النّاب=وفيهم من يقرّب منقد الجمر ويشبّونه
غدوا متوحّشين ومن نصاهم تحت حكم الغاب=ولا يخطر عليهم يرحمون ولا يحنّونه
ومقطوع الرجا يضحك ولا كنّه توهّق خاب=وقع في المصيده وإن صاح ماله من يفكّونه
أنا ماجبت شي من راسي أحكي واقعة منصاب=حقيقه ريتها بالعين قدّامي ومضمونه
ولا ني مخترع قصّه خياليه ولا نصّاب=ولكن ودّي أعطي درس إذا له من يفهمونه
عسى ربّي يجنّبنا دروب(ن)تسلب الالباب=وينصر من تهقوى في الكثير وضاعت أضنونه

ابن الجنوب
صح لسانك وسلمت يداك
ابيات قمة الروعه والجمال و الحكمه والمعنى
بارك الله فيكم

اخوي ابن الجنوب ننتظر محاوره تجودون بها على من يتابعكم بشوق انت والشاعر القدير علي السبيه في هذا القسم الذي ينتظر ابداعكم وتميزكم بفارغ الصبر
ان شاء الله

نحن في انتظاركم فلا تبخلون علينا
تحياتي

المشاركة الأصلية كتبت بواسطة فهد قزعه (المشاركة 429235) عجيـــــب خذوا به لي شيب فالغرام وطاحت اسنونه عجيب ياابن الجنوب والله كلام ينعد صح لسانك تقبل مروري

المشاركة الأصلية كتبت بواسطة متعب الدوسي (المشاركة 429236) طيب طيب انت ياشاعرنا المميز والقدير جئت لنا بالشعر وبالجزالة من خلال هذا النص المميز والأكثر رائع كالعادة نص بأسلوب السهل الممتع نص يترجم وجهة نظر خاصة عن حال الهوى صح الله لسانك والله لا يحرمنا من ابداعاتك ,, وباقي نبغاها صوتيه لازم

المشاركة الأصلية كتبت بواسطة الـوافـي (المشاركة 429291) صح لسانك يابن الجنوب !!!!!!!!!!!