|
من مطبخي فطور الاولين بالصحه والعافيه
السلام عليكم ورحمة الله وبركاته اخواني واخواتي اعضاء منتدى رباع اليوم جبت لكم اكله لذيذه وسريعه من اكلات الاولين المشهوره وجبة الفطور وهي عباره عن القرص (المشرق)والبلال الي هو السمن والعسل والبن طبعا مافيه معلبات وطريقة اعداده معروفه ومشهوره للقرص ايضا عدة طرق ومسميات اخرى وهويختلف عن الخبزه في الحجم وطريقة الطهي اما الطعم فهو لا يختلف عنها كثيرا بعد الفطور يحلى الشاهي المعد مسبقا على الجمر له طعم ولون ورائحه مميزه لن اطيل عليكم اليكم الصور وهي من مطبخي الخاص لكم ولاجلكم http://www.mobdi3ine.net/uploads/13084390411.jpg اتمنى ان اكون قدمت مايحوز على رضاكم وينال استحسانكم اجمل واطيب التحايا |
الله يعطيك العافيه أختي لؤلؤة زهران على ماتقدمينه من روائع ولكن لي تساؤل :هذا القرص يشبه التميس وأنتي تقولين مشرّق وأنا لم أشاهد آبائنا يعملونه بهذا الشكل ..فأتمنى أعرف طريقة عمله ولكي جزيل الشكر ....تحيــــــــــــــــة |
اقتباس:
عاشق المها الله يعطيك العافيه ويبارك فيك شرفت صفحتي المتواضعه لاعدمنا حضورك المضيئ اخي المشرق هنا مسويته في البيت شغل مطور تعرف مشرق الاولين يبغى له نار وحطب وعلوم واحنا يادوب يادوب المعرفه قليله ورثنا من امهاتنا طبخات بسيطه نعدها في مطابخنا المطوره ويننا وين شغل اول الاصلي اجاوب على سؤالك بالتفصيل انا بعد ماحميت الصاج فوق عين الفرن وضعت العجينه الي هي شبه متماسكه وسويت فيها ثقوب بالاصابع ويعد خمس دقايق تقريبا ادخلت الصاج داخل الفرن واشعلت النار من فوق بس وشرقته على نار هاديه مثل ماهو في الصوره ان شاء الله اجابتي واضحه وان شاء الله انزل الطريقه كامله في مطبخ المنتدى انتظروني تحياتي وتقديري |
ميه ميــــه
الله الله الله تسلم يدينك على هذا الفال يا بنت الرجال كانوا الاولين يطلقون على اسم الفطور فأل او فال بدون همزه على حرف الألف حوااجب مدري تتذكرون كلمة الفال والا لا غمززززة الله عليك يا لؤلؤة رجعتيني لأيام زمان وايام الفال وقت الصباح مع سوالف الشيبان الا عندي بعض الأسئلة يا لؤلؤة زهران ممكن اسأل والا لا اقول بسأل وانتي جاوبي تابعناااا السمن من تهامه والا سمن قبره ؟ قبره يعني سمن زبدة دنماركيه والا مراعي ؟ والحقينه وش نوعها ؟ هل هي لبن بقر حق الديرة والا لبن مراعي او صافي ؟ والعسل هل هوا اصلي ؟ ووش نوعه ؟ هل هوا عسل سدر والا عسل شوكه ؟ والا عسل بقالات ومشي حالك تحقيق ههههه ارجوا الاجابه لاني ابغى اعرف ؟ الحقينه فوقها ريحان والا لا ؟ |
هههههههههه فطور رائع وفال ممتاز على قولة أخي زهراني كح وللأمانه أغلب فطوري مع الوالده هكذا بس أحياناً تضيف لنا شكشوكه وحلوى طحينيه لأني مدمن حلاوى طحينيه....وهذا افضل من التميس وأحياناً نختلف عنكم بأن خبزتنا تكون في التنور وعلى اشكال مختلفه شبه مستطيله وتأكل فيها ما تشبع والله يخلي لنا عجائزنا والله إنا في نعمه بوجودهم يارب لا تحرمنى منهم http://store2.up-00.com/Jun11/wiJ64322.jpg |
واااااو ياليته عندي يم يم يم
|
سلمتي لؤلؤه
يعطيك العافيه اممممممم ممكن سؤال ؟؟؟ وش معنى مشرق :cupidarro وووردوووردوووردووورد |
طاح رسابي من ذا المشرق الله يكثر خيركم ويجد عليكم يا لؤلؤة
مع فقع قلبي في ذي الدنيا الا اكل البنقالي .. اشتقت للمشرق ومشتقاته... مشكورة ولاهنتي على الطبخ السنع فالك الطيب |
تحيــــــــــــــــة
اقتباس:
زهراني كح حياك الله وبياك لا عدمنا تواجدك العطر اخوي وش له الاحراج الله يسامحك ياحبك للاسئله انا راح اختصر لك الاجابه واجيب على اسئلتك اخوي الفطور تجمييييييع بمعنى مقلد مو شغل اصلي لا في المكونات ولا الطريقه زمان اول ولا وراح وراحة ايامه احنا هنا نحاول قدر الاستطاعه نعيد الماضي ونقلد صناعة الاولين مع اضافة بعض المواد الحديثه والمطوره على طاري اللبن بالريحان ذكرتني بالوالده الله يرحمها كانت تجيب لي لبن المراعي وعليه ريحان اول مره استغربت واستنكرت الطعم بس بعدين تعودت وحبيته رحمها الله وغفر الله لها وجزاك الله كل خير على مرورك العطر هاااه وش رائك هذا وانا اختصرت الاجابه كيف لو اجبت بالتفصيل |
اقتباس:
اشكرك اخي امير الكون على مرورك العطر بارك الله فيك واشكرك على اضافتك الرائعه فعلا الفطور البيتي الذ واطيب من الجاهز ونشتاق له اكثر خاصه بوجود كبار السن وفي الصباح الباكر له نكهه غير انا اسويه من باب التغيير يذكرني بالفطور زمان ايام الطفوله ايام كان لكل شيء طعمه الخاص تحياتي امير لاعدمنا تواجدك |
| الساعة الآن 02:11 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع