|
الحق يالسبيه (( الشـــريطيــــه ))
ابو صالح= *= علي طالبك بالله يامنبع الطيب=تجاوب سوالي لا تقل مادرينا الا من بغينا نشري اللكزس الجيب=فلول الشريطيه تخرب علينا *= علي السبيه= *= عيون الشريطي غمضت لا امتلا الجيب=ودهن السيور يخلـي الصلـب لينـا صياح الشريطي يدوش ابعيد واقريـب=وحنا الذي بعنـا الغـرض واشترينـا *= ابو صالح= *= خبرتك تجاملهم ولا تنكر العيـب=ولامن نشدتك قلت غصباً استحينا وهذا غلط مافيه شكـاً ولا ريـب=من الي يصون السوق اذا ما نهينا *= علي السبيه= *= تصدّقت من مالي بلا عد واحسيـب=وقلـت ان ذولا كلهـم مسلميـنـا نريد اجرهم والله على اعمالنا ارقيب=ويبقى لنـا زيـن العمـل لا فنينـا *= ابو صالح= *= معاهم خرد فيها تخله وتهريـب=وصوت المكاين يزعج السامعينا يقولون ماجاها حوادث وتوضيب=ولاشي كماه في وكالـه ومينـا *= علي السبيه= *= انا ادري ولكن وش تقول في المعاتيب=يدوسون دوس الثور جوف الجرينـا انا وانته نرقى فـي علـو المراقيـب=تدور الرحاه والحـب يغـدي طحينـا *= ابو صالح= *= اذا رحت انا وياك نغزي على الذيب=معانـا بلاجيكـاً ولـه محتصينـا دري من نباح معكفـات الاذانيـب=ويسري ونندم ليتنـا مـا غزينـا *= علي السبيه= *= خساره نثوّر معبرً في هوى الغيب=ولا ودنا نخطي الهدف لو رمينـا خيال المهتّه مالنا به مضاريـب=تشيله هبوب الريح في كل حينـا *= ابو صالح= *= اذا ما تعدل وضعهم فالمشاعيب=نلين ضهوراً قاسيه مـا تلينـا يجيهم من ايدينا ربوه وتعذيب=ومن بعدها يمشو على ما بغينا *= *= ***من هنا تغير الدرب الى غزل***= *= *= علي السبيه= *= بحبر القلم نسقي سطور المكاتيب=وتروي الحروف الابجديه كتبنـا ونقبل معاذيرً ونرسـل مناديـب=على شان خاطر ياعرب من هوينا *= ابو صالح= *= بدم الجروح النازفه دون تطبيب=كتبنا حروف اسم الذي له غلينا ومرسولنا قلباً حدته اللواهيـب=يصل للذي بمبحبتـه مبتلينـا *= علي السبيه= *= دخلت الحرم والقيت لي ضبىً اعجيب=على جالة الركـن اليمانـي التقينـا قضينا معه ساعه سوالف وترحيـب=وخرجنا من ابواب الحـرم موثمينـا *= ابو صالح= *= لقيتوه قبلك في علو المساريب=وفي فندق الشاميه حنا رقينـا قضينا معه ليله بكل التجاريب=ورحنا بعدها للحـرم تايبينـا *= علي السبيه= *= وانا اقول وشبه فيه لوعات والهيب=ويشهق ويتلـي زفرتـه والونينـا اثارك لعبة ابحسبته لعب(ن) ارهيب=وسويت فيه الويـل ياابـن الذينـا *= ابو صالح= *= حصل بيننا شد(ن) وجذب(ن) وتذويب=ومن كـل هذيـك العلـوم ارتوينـا وطقطقت كل اعظام جسمه بترتيـب=وقلـي تكيـف خاطـري وانتهيـنـا *= علي السبيه= *= سلامي لشاعر يحكم النضم واللبيب=ولا يكتـب الا كـل معنـى ثمينـا كما فارسً مغوار له خيلً انجيـب=وانا اقول ابوصالح من العارفينـا |
صح لسانك يابو صالح ملايين واعتقادي لولا حركات الشريطية اللي احيانا تمغص البطن لمات الحراج ماكان هناك بيع ولا شراء
|
عيون الشريطي غمضت لا امتلا الجيب=ودهن السيور يخلي الصلب لينا صياح الشريطي يدوش ابعيد واقريب=وحنا الذي بعنا الغرض واشترينا |
خبرتك تجاملهم ولا تنكر العيب=ولامن نشدتك قلت غصباً استحينا وهذا غلط مافيه شكاً ولا ريب=من الي يصون السوق اذا ما نهينا |
اقتباس:
صح بدنك يالنشمي وشرفتنا يا تاج المدايح والشريطيه اسعارهم وسلعهم مضروبه كلها وحليل الركابه واصحاب الشركات واصحاب المعارض من حركاتهم وشرهم وخل بالك من الشريطيه وان ما اقنعتك هروجي انشد علي ياما عانا منهم. |
تصدّقت من مالي بلا عد واحسيب=وقلت ان ذولا كلهم مسلمينا نريد اجرهم والله على اعمالنا ارقيب=ويبقى لنا زين العمل لا فنينا |
معاهم خرد فيها تخله وتهريب=وصوت المكاين يزعج السامعينا يقولون ماجاها حوادث وتوضيب=ولاشي كماه في وكاله ومينا |
انا ادري ولكن وش تقول في المعاتيب=يدوسون دوس الثور جوف الجرينا انا وانته نرقى في علو المراقيب=تدور الرحاه والحب يغدي طحينا |
اذا رحت انا وياك نغزي على الذيب=معانا بلاجيكاً وله محتصينا دري من نباح معكفات الاذانيب=ويسري ونندم ليتنا ما غزينا |
خساره نثوّر معبرً في هوى الغيب=ولا ودنا نخطي الهدف لو رمينا خيال المهتّه مالنا به مضاريب=تشيله هبوب الريح في كل حينا |
حسبكم الله في هذي القصائد ..... الرائعة
|
اذا ما تعدل وضعهم فالمشاعيب=نلين ضهوراً قاسيه ما تلينا يجيهم من ايدينا ربوه وتعذيب=ومن بعدها يمشو على ما بغينا |
اقتباس:
الروعه تواجدك الي هو بالنسبه لنا اكبر محفز على المواصله وهنا اسمح لي ان اقول الله يعطيك الصحه والعافيه فكل المنتدى لا يخلو اي موضوع من تواجدك وردودك المميزه والغاليه وانحن والله انا نتعب ونعجز من تتبع مواضيعنا الي نطرحها او المواضيع الي نكون طرف فيها خل عاد ندور المنتدى كله لكن ماقول الا الله يجمل حالك واما انحن فاقبلونا بتقصيرنا ولك تحياتي |
ابنقلبها غزل ياابوصالح
بحبر القلم نسقي سطور المكاتيب=وتروي الحروف الابجديه كتبنا ونقبل معاذيرً ونرسل مناديب=على شان خاطر ياعرب من هوينا |
اجل خلها قاف جديد ومتصفح جديد لا تحط الغزل بيدي الشريطيه والله يبيعون ويشترون فيه ههههههههه
بدم الجروح النازفه دون تطبيب=كتبنا حروف اسم الذي له غلينا ومرسولنا قلباً حدته اللواهيب=يصل للذي بمبحبته مبتلينا |
ما اقول الا الله يبيض وجوهكم .. والله العظيم اني اسعد بقصائدكم وكلامكم الطيب
لكن فعلا مايخلط الحالي مع المر وننتظر قصائدكم الغزلية بس قلو لي وينهيه وافتح على الصفحة ما اقفلها لمدة اسبوع |
دخلت الحرم والقيت لي ضبىً اعجيب=على جالة الركن اليماني التقينا قضينا معه ساعه سوالف وترحيب=وخرجنا من ابواب الحرم موثمينا |
ها كان وانا فداك حل بنا عن هذي المحلات وانا لويتك
لقيتوه قبلك في علو المساريب=وفي فندق الشاميه حنا رقينا قضينا معه ليله بكل التجاريب=ورحنا بعدها للحرم تايبينا |
صح لساااااااااااااااااااااان ياشيخ
وانا اقول وشبه فيه لوعات والهيب=ويشهق ويتلي زفرته والونينا اثارك لعبة ابحسبته لعب(ن) ارهيب=وسويت فيه الويل ياابن الذينا |
هههههههههههههههههههه الذين امنو وعملو الصالحات ان شاء الله حسبك الله ياهذا السبيه حل بنا عن هذي الهروج والله الاداره تمحطنا بكرت احمر وشطب نهائي وانا مقدر على فرقاكم.
حصل بيننا شد(ن) وجذب(ن) وتذويب=ومن كل هذيك العلوم ارتوينا وطقطقت كل اعظام جسمه بترتيب=وقلي تكيف خاطري وانتهينا |
هويه ماهبيتموها في قارعة جديدة وانا فداكم قصائد ماتستاهل رغم انها تضرب على الاوتار الحساسة
صحت السنتكم شعار كبار وين ماغديتم |
اقتباس:
والله كان ودي بس ابو طلال وانا فداه مستعجل وودي برضاه واما الحساسيه فحدنا هنيه والله ما عاد نفعل ناخذ رد ابو طلال وكان بنرفعها ويسعدنا تشريفك لنا وتواصلك العذب |
سلامي لشاعر يحكم النضم واللبيب=ولا يكتب الا كل معنى ثمينا كما فارسً مغوار له خيلً انجيب=وانا اقول ابوصالح من العارفينا |
اقتباس:
تسلم ياابواحمد وابوصالح معلم وشاعر متمكن وانا تشرفت بمجاراته في هذه الصفحه وبكل قصايدي معه واستفدت منه وانت ياابواحمد اشكرك على متابعتك المستمره لنا وتشريفك لنا بمرورك وردودك الطيبه |
| الساعة الآن 01:19 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع