|
ليـــالي القاهـــره
أرجو ان تقبلوها بعلاتها !
واتمنى ان تنال الحد الادنى من الرضى
الحمد لله ان قلبي ماعليه من البنات= وأجمل جميله ماتحرك فيه شعره ساكنه في القاهره كانت لنا وقفه ولمينا الشتات=ماهي غريبه فان مصر أرض الهنا واماكنه الجو صاخب وابتدى ليل الرعيه والرعاة=كل الأمور المستحيله فيه صارت ممكنه الخير واجد نحمد الله والدلات مبهرات=والظاهر ان الهيل خلا روسهم متوازنه جتني جميلتهم تغنج قلت يالله الثبات=شفت ابتسامتها على كل القلوب مهيمنه سويت نفسي بأشعل الجمره لروس معسلات=قالت ترى ماللجمر داعي يديني ساخنه ناضرت فيها قلت طيب التمر من طيب النواة=وانا أعرفك من داخلك فتنه وبرا فاتنه ترى النظر بين الخلايق شي عادي خذ وهات=لكن لك نظره حياويه ونظره ماجنه قالت تعال الليل رومنسي موسيقى وأغنيات=بكره تروح ووش يصبرنا على بعدك سنه قلت الطرب ماهوب في شعبان ياريم الفلاة=ماطربني الا عرضة أجدادي وطرق الهيجنه الليل عندي لاهتزاز القلب من لون السكات=والليل عندك لاهتزاز الخصر فن ودندنه ما مر عمري من سواد الرمش لا حمر الشفاة=قلبي تعلم كيف يوفي لو عيوني خاينه رغم ان قلبي من عرفته ماعليه من البنات=ما جا الصباح الا وماعد فيه شعره ساكنه |
موفق بإذن الله ... لك مني أجمل تحية .
|
فى البدايه تستحق الترحيب
هلا بالحضور والمشاركه انا لم اقراء لك كثير من قبل وهو قصور مني وهاانا اقراء قصيدك وكلى اعجاب بجميع ابياتها صح لسانك وتبضك ...... لله درك قصيده جميله تحمل احاسيس عاليه ويكمن في صدق المشاعر المنبعثه من ابياتها باانتظار جديدك الراائع يعطيك الف عاافيه .. دمت بخير .../ لك كل الشكر والتقدير ..... |
هذه القصايد وهذا الشاعر ابداع وتألق وصياغه عالية الجوده
صح لسانك وعلى شانك ياشيخ زهران وسجلني احد المعجبين والمتعطشين لنبع الشعر الصافي من ابداعك ياملك الابداع |
اقتباس:
الله يوفق الجميع تسلم على مرورك |
لا حول ولا قوة الا بالله
ما اعتقد ليالي القاهره بأجمعها بهذا الوصف والله يهدي مثل هذولي النساء والشخصيات وهناك الكثير من البلدان بهذه الحال فكل بلد فيها الفاسد وفيها المتقي لله وما اعتقد ان أم الدنيا تستحق قصيده مثل هذه فيوجد فيها كثير من الخيرات التي توصف بها في قصائد أخرى |
اقتباس:
شكرا لحضورك ولكلماتك الراقيه |
اقتباس:
مرورك برواز من ذهب ازين به قصيدتي المتواضعه واطراءك وسام اتمنى ان استحقه لا تحرمني وجودك |
اقتباس:
الأخت الكريمه Rola كل كلامك صحيح وانا احترمك واحترم كلامك هذا شعر والشعر لا يفهم بهذه الطريقه انتي ومصر غالين على قلوبنا |
زهران... شاعر مبدع الى مالا نهاية
يعجبني اسلوبك الفريد في التصويرالشعري اتمنى لك التوفيق |
شاعر مبدع ما شاء الله
وننتظر منك المزيد |
اقتباس:
اذا صرت قريب مني ومن مواضيعي فانا بخير لا تحرمني هذا التواجد |
ضحكت من هذا البيت العجيب والتصوير البليغ
الخير واجـد نحمـد الله والـدلات مبهـرات والظاهر ان الهيل خـلا روسهـم متوازنـه ثم قلت الطرب ماهوب في شعبان ياريم الفـلاة ماطربني الا عرضة أجدادي وطرق الهيجنـه وختمتها بهذه الرائعةما مر عمري من سواد الرمش لا حمر الشفاة قلبي تعلم كيف يوفي لـو عيونـي خاينـه صح لسانك ملايين مبدع ورائع |
اقتباس:
شكرا يا رحاب الرحمن انرتي متصفحي |
اقتباس:
شرفتني واسعدتني هويه الهيل ما يقعد الراس ؟ هههه |
ما مر عمري من سواد الرمش لا حمر الشفاة قلبي تعلم كيف يوفي لـو عيونـي خاينـه رغم ان قلبي من عرفته ماعليه من البنـات ما جا الصباح الا وماعد فيه شعـره ساكنـه ياساااااااتر يازهران هذا وانت ماعليك من البنات اجل لو لك وش تقول بعد صح لسانك ملايين والله يعطيك العافيه |
زهران : تسلم على ما خطت يمينك من الروائع الشعرية الجميلة والكلام الجذاب وقوة الصمود .
|
اقتباس:
اعمل حسابك تراك بتروح معي هالصيفيه باوريك صديقي ابو الهول تسلم يا حلو |
اقتباس:
ياخي لا تحرمني تواجدك تراه يسعدني |
الله الله الله مبدع ياخي رفعت السكر عندي الله يهديك ... الجماعه إن يبغون العلق يبشرون مالهم إلا طيبة الخاطر... |
| الساعة الآن 09:15 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع