يامرحبا قدام تفنيد الاجابه للسوال=شرواك نبدي له تراحيب الغلا ونقولها
لفيت غالي عند غالي شيخ عند اهل الكمال=من قوم بذلو للفوايد جهدهم وانحو لها
نبقى على سنّه ومذهب روسنا دايم طوال=ماضن يلحقها مساكين العرب واجهولها
ندك ميدان القصايد باالمعاني اللي جزال=روّضنا في ميدانها فرسانها واخيولها
من واحة الافكار ماتشرى من البندر بمال=يوم اكثر المستشعرين ازرو على معلولها
والناقه جرباء ياطويل العمر من خس الحلال=ولا تخاوي القافله ابترحالها واحلولها
في الحوش دايم باركه ماغير فرجه للعيال=من وهنها واهزالها ما تنتقلها ارجولها
ماحد يقول الشخص الاعزل يكتمل وقت النزال=من بعد ما دقت مزامير الفتن واطبولها
الله رفع شاني وشانك عن سواليف الخبال=نقدر نفرّق عاقل العربان من مخذولها
وش ابتخبّي الاقنعه ياشيخ من وجه الضلال=والا وش اللي يرتجون الناس من مسطولها
ذولاك مثل العمي مايدرون وش وصف الجمال=واقلوبهم من غيهم دايم عليها اقفولها
مكره طبايعهم وياشين العوايد والخصال=نفوسهم بانت مواري حقدها واغلولها
الوصفه انساهم بدون ايّة نقاش ولا جدال=لابد تندم حربة القاتل على مقتولها
لا تعتبرها الا سحابة صيف مالت للزوال=مااخبر سحاب الصيف تغمر للبلاد اسيولها

شو هالحكي ابو طلال مجاره رائعه من شاعر معلم من عادته الابداع
لك الحب لك التقدير لك اطيب تحيه
ملك الليل

حاولت ا ني اقتبس بيتين او بيت حسيت انى ظلمت الابداع بكامله بقدر سعادتى انى وجدت جديدك الذي لايظاهيه قصيد كل بيت تكتبه يكتب عنه الانسان عشرات الصفحات صدق وعذوبه وشفافيه و تصوير حتى بماء البحرالمالح....
صح لسانك مليار وتكرار
ويعطيك الف عافيه
تقبل اعجابي ومروري المتواضع

احترامي وتقديري ......./

الناقة الجرباء ههههههههه

صح لسانك ملايين يادكتور القصايد والمعاني

ما اقول الا حوالينا ولا علينا وحليل من يطيح بين ايديكم انت وزهران

تحياتي

[quote="ابو شهد";313247]على

صح لسانك ومعناك
ولايهون زهران

تقبل مروري[/quote]

[size="3"]ولا تهون ياابوشهد وصح بدنك ياطيب
مرورك يشرفني واعتبره تاج على راسي[/size]