|
, :+: آخ ـر مراسيـ / لي :+: , لـ مشعان البراق
مقتطفات للشاعر مشعان البراق http://up.mergab.com/uploads_pic/5cc41d0669.jpg : : نادوا سميّك .. وارتبكت وتغيّرت كذا ولا ادري وقتها ويش جاني ! سكّت , حتى أتصدّق اني تباشرت كنت احسب انك جيت يمّي / عشاني وأنا من الموقف : ضحكت وتكدّرت , وبشايري : ( مرت مرور الثواني ) ! مع السوالف يوم طروّك سافرت , سافرت لك .. وأنا مكاني / مكاني قصّيت للضيق التذاكر وغادرت وقدّمت شكري لـ القدر وامتناني , أثر ( الفراق ) , أصعب من اللي تصوّرت بدت جيوشه .. [ تستحل المحاني ] , آمالي ان عاشت كذا مالها كرت , طاحت .. من عيون البحور / المواني ماني بـ قايل : ليه بالوصل قصّرت ؟ وليه أنت متقلّب , وهادم , وباني ؟ اقول لك : يوم انك لـ صدك اخترت نسيتني ؟ .. والا [ نساني زماني ] ؟ في سكتك واقف وفي سيري آحترت قلي : [ ترى ماعاد لي عمر ثاني ] , تراي في قيود الرجاء ما تحررت علّقت في ذمتك ( كل الاماني ) ! http://www.vip1vip.com/vb/images/smilies/icon26.gif |
, أنت جيت وجابك الله وداويت الجروح الدواء شوفتك .. والوصل ما آستغني عنه , ليه ما اروّق ؟ على شوفة الوجه الصبوح , صبح هذا اليوم .. عيد ٍ من اعياد السنه ! |
خل الإعجاب ما آبغى منك إعجاب ! كان الإعجاب منّك ؟ ما آنتظرته , صح كنا ثنين أكثر من آحباب , لين .. خنت الغرام ولا أعتبرته , من تركني وصداته بلا أسباب والله أني لا أموت ..ولا ذكرته يحفظ اللي بقى له : وين ما غاب ! لا يجيني بعد [ ما طاح كرته ] , كل جرح ٍ قدرت أعالجه طاب , الا جرح المشاعر .. ما قدرته ! , |
كثر ما أشتقت لك . , والا كثر ما كنت [ أفكر فيك ] ! كثر ما طالت دروبي معاك .. وتعبت آقدامي , على ويش آحرجك ؟ وأنت الغلا منك , وبين يديك ! لاوالله جفّت أوراق الكلام .. ورفعت آقلامي , ( على راحتك ) , شوف اللي تبيه , وشوف وش يرضيك ! لو أنك تقطع حبال الوصال وتقتل آحلامي , لكن : تكفى وتكفى طالبك , ( يا جعلني ما أبكيك ) ! [ لا تترك فرصه لـ غيرك , يداوي : جرحي الدامي , لا تترك لـ السهر , ماطآ قدم , في عين من يغليك ! وأنا عزالله آحتاج لـ دفاك .. فـ بارد أيامي , أنا : لاهبت هبوب الغرام , وجتني بـ طاريك !! آفلّ لها شراع ٍ ما طويته .. وآرفع آعلامي , آجل وشلون ؟ ( لا استحليت مرّك ) في رجاء : حاليك , بـ عذري : لا نسيت الكون كله .. وأنت قدامي , تبي تبقى : ( مراسي ) عهدي الاول , على شاطيك , ما هزّتها العواصف , والبحور وموجها الطامي , آحبك , وأن وقف فيني طريقك / ماني بـ ناسيك ! يابهجة خاطري , وآحساس روحي , وآكذب آوهامي ! هذا يكفيك ؟ والا ياعديل الروح مايكفيك ! عزاي : أنك ما تجهل منزلتك .. وقدرك السامي , |
ايه أنا أدري .. ما يخون الا الزمان وأنت صادق في عهودك ما تخون ايه أنا أدري .. ما على الدنيا أمان والدليل : اللي يجون , ويرحلون ايه أنا مصدّقك لكن كيف هان الغلا اللي كان في نون العيون ! روح , لو تأخذ معك حتى المكان لأن ماله طعم من بعدك ولون روح ما أنت أول من استؤمن وخان وخلني .. بين المواجع والطعون ! http://up.mergab.com/uploads_pic/ceea7ebcc0.gif حنا آنتهينا من زمان , وآعذارنا : [ خان الزمان ] ! والا الزمن ؟ ماله خطاء .. لكنها ( زلة لسان ) , جفّت : ينابيع المحبه والغرام وآخترت .. لـ آحلامي ( طريق ) .. , .. ما آخترت لـ غيابي ( رفيق ) ! آيّة غلا ؟ وآيّه وفاء ؟ وآيّه كلام ؟ تبي الصحيح : تشوفني لكن ترى ماني بـ / حي ! .. , .. ميّت : وأنا [ وسط الزحام ] , ماهو ضروري نتفق ! لكن ضروري نفترق , تبي الصحيح : حنا اتفقنا : (نختلف ) في كل شي ! أقدّم : ( آيّات التعازي ) لـ الغرام , وآشعل شموع البعد .. وآطفّي شموع ! قل ما تبي , ومسامحك ! فضفض : ترى ما باقي وقت , خذ ما تبي , ومسامحك ! آسامحك ؟ لا ما صدقت , ما أظني آقدر لو ( قدرت ) , وإذا قدرت أسامحك : ايه انكسرت , الله يسامح دمعتك : ( هذا كلام ) ؟ آصارحك ؟ ما جاء على بالي رجوع ! إلى هنا وأستسمحك , أبآخذ أوجاعي وآروح ! لـ أول مشاوير العتب , وآخر مسافات الجروح ! ماعاد لـ حضوري مكان , ولا لك بـ قلبي مكان ! حنا انتيهنا من زمان , http://up.mergab.com/uploads_pic/0fe413a88d.jpg قص التذاكر لـ( تقديري ) ولـ( اعجابي ) ! على خطوط الغياب .. ورحلة الفرقا عزّمت اسكّر عن ضيوف الهوى بابي حفظاً لـ( دّم ) البحر من زلة الغرقا افضل / ولا ابقى كذا عايش على اعصابي ماغير احوّل من رجوم التعب وارقا لي الشرف .. لو يموت الحب بـ( اسبابي ) لأنه كسر خاطري مع نوحة الورقا من يوم مات الوفاء .. في عالم احبابي سمحت من ماطرك .. يالغيمه الزرقا يكفيني اعيش عندي : شيمة اعرابي ما تنحني هامته .. للجادل الطرقا ! |
أرفع يدي لـ السنين اللي تعدتني ,
وآحداثها .. لا تزال تمّر قدامي , خانتني الذاكره من يوم قادتني , لكل درب ٍ .. يمّر بـ حلمي السامي , آنقدت معها ولا أدري وين ودتني : بـ أسباب حلم ٍ ما يشبه باقي أحلامي , والله ما قلت الظروف اللي تحدتني لكنها هي حكاية ( جرحي الدامي ) , وقفت : وسنيني الجايات , نادتني مع السلامه يـ أجمل وأصعب أيامي , |
في وقت : تضخيم الاسامي والألقاب وين العجب ؟ لا قلت ( كلش تغيّر ) , لو يزعلون : آخوان وأحباب وأصحاب حنا : نعرف أن الصغيّر ( صغيّر ) , نشوف , ونعرف الدوافع والاسباب ماعاد في الموضوع : شي ٍ يحيّر , ماهو بـ عيب : إذا انها قصة إعجاب , لكن : كذب ( يطوّلون القصيّر ) , |
بيني وبينك .. موعد ٍ ما نسيته , آخلّي ( الأشغال ) .. ماني مخليه ! لو ينشرى ؟ من حرّ مالي .. شريته ! وشلون وأنت اللي تمناني .. أجيه , http://www.vip1vip.com/vb/images/smilies/icon26.gif |
لو [ قست ] ! (قدر المحبه ) بـ المسافات , غيرك ما يأخذ بـ قلبي : ( ربع سانتي ) , ولو هو بـ : الاحجام والا بـ المساحات , من بعد : وسعتي الصدر وسكنتي :- لك الاراضي . , ولك سبع المحيطات , وأن هانوا الناس ( في عيني ) ما هنتي , العمر رحله , وانا سنيني محطات .. , وآجمل محطات عمري / عمرك انتي , |
[ انتي ] ! لو تحبين نفسك ماهو عيب , ياجعل يوم المنتقد ........ " قبل يومك " , [ حلوه ] , ومملوحه ولا بك عذاريب , , الله .. يلوم اللي :- ... بـ " نفسك يلومك " , |
, لآوآلله إلآ [ نسيت ] .؛ و بآن تقصيري .؛ .................. ونسيآني ؛ آخر قضآيا / وقتي الرآهن .! قدّمت عذري بـ مقصودي / و تبريري .؛ ................. حتى آلعذر يعتذر عن حيله آلـ وآهنـ .! ................. حتى آلعذر يعتذر عن حيله آلـ وآهنـ .! |
,
ألهى عن العالم مثل ماتشوفين لكن معك , والله ما أحب اتلهوا كني على شوفك محرر فلسطين وحاط ٍ رجل على رجل واتقهوى |
, : : ( قصيد ٍ حيّ ) , فـ أوراق الدفاتر ! عن : عيون العرب ساتره ساتر , ( آبيه ) : يعيش لي , ويموت عندي ! ولا ودي مع الناس .. إيتواتر , حرام ان الشعر روّح فـ يدّها , مريض ٍ من دكاتر لـ سساتر , ولو ماهو مريض : ( آشهد شهاده ) ! ما سمّوا فيه شعاره : دكاتر , من اللي : ( مبتليّنه / عزتي له ) ! نزل قدره إلى حد المهاتر , وش أذكر ؟ ويش أقول ؟ وويش أخلي ؟ عزومه ميّته .. والحيل فاتر , مثل : ما يلّزم الشعار ( فلتر ) , الإعلام : ( ألّزم بـ كل الـ فلاتر ) ! صحيح : إن كل ْ ساقط وله لاقط , ومن ما بان لي : سترك ياساتر , وأنا : لو ماتت آحلامي بـ صدري ! ( قصيدي حيّ ) : فـ إوراق الدفاتر . , : : |
, ما عليّ : من السوالف والعلوم , كل علم يصير له ( باب وجواب ) ! الستر : مجال شاسع لـ , العموم ماهو بـ واقف على : ستر الثياب , انتعلّم : كل ليل / وكل يوم .. , والخطاء يدلّنا : [ عين الصواب ] , صحبة ٍ على المصالح , ما تدوم ! آترك اللي صحبته : هم وعذاب , إن رضى عليك : وصلّك النجوم , وإن زعل عليك : ساواك التراب , |
شكرا على هذا النقل الرائع ياغموض القدر
|
,
آستح على دمّ وجهك يا ( جميل الصبر ) , طوّلتها لين صرت اليوم ما أنت بـ جميل , كنك : بـ يمنى الرجاء / تقودني لـ القبر , لأني آستشفيت منك إني آرجي المستحيل , : ( |
, والله ان الحب : شي ٍ خارج حدود الإراده , والمحبه واقع ٍ : فيه آفترضنا ما آفترضنا , الشعر : فنجال مر , وفي الغزل [ سكر زياده ] ! ومجمل اغراض الشعر تقول : [ ما غيرك غرضنا ] , كان , مآ آعلْقه في صدر الزمن .. مثل القلاده , قلت وبحوري معي تقول : عند الله عوضنا , جيت .. فـ آحلى مناسبات العام , والافراح عاده , جيّتك عيدي , وبعدك كم قتلني صبر , وآضنا ! [ ( عيد ميلادك ) ] : سعيد وعآدت آعيادك سعاده , الله يعيده علينا كل { .. عام ٍ مع بعضنا .! |
, ولا ألتفّت , ولا حسبت لهم حساب , لو : . قالوا , وقالوا , وقالوا , وقالوا , يكفيني إذا غبت , طاريّ ماغاب ! عنهم , وكم صالوا بـ ذكري وجالوا , اقزام , في ثياب الاحبه والاصحاب ! تسلقوا : على [ أكتافي ] .. وطالوا , |
ياحايره :
في خاطري من ليل الاوّل , كلمتين : الحق ما عمره هدّم , والهجر ما عمره بنا ! اصارحك وانا ادري انك من كلامي تزعلين آكذب عليك ان قلت لك تراك في قلبي هنا , انتي مكانك : . بين قلب وبين روح وبين عين الا اليدين : اللي من اللهفه تقول ( الله لنا ) , عزالله اني ما كشفت ستارة السر الدفين , حسبي عليها الكلمه اللي فرّقت من بيننا ! ناديت بـ أعلى الشوق لكن الصدى صوته حزين , بالله شوفي كم خسر صوتي وكم صمتك جنا ! كنك تقولين .. بـ تطلعك القمر والفرقدين :- راحت مراويح السحاب , وراحت : ( أيام الهنا ) ! ( الحب ) : لو طال الجفا والصد , إذا ما تعرفين ؟ غصن ٍ تلاعبه الهبايب كل ما طال / انحنا , ياحايره : غدر البحر , عرفت سرّه هالحين ! من أزرقه .. يوم أزرق دموعك مثل زَرق القنا , غدرني وحطّم قواي , ولان عزم ٍ ما يلين ! ووقفت مثل اللي قبل لا ياصل الحلم , انثنى أنتي وقفتي في يمينك حب ويسارك ونين , فيك التعب واضح ومن ثروة ملامحك اغتنا ! وأنا .. تحرّيتك مثل من يحترون الغايبين , يا مجملّه لون العذاب بـ عين من صبره فنا , لـ خاطر ايامي معك ., متى تجين وترجعين ! مافيه درب ٍ من دروبي ما تقرّبك ودنا ! العمر : شوفي كم عطيت ولا خذيت من السنين , العشق : شوفي كم خذيت ولا عطيت : من العنا , الصدق : ما جيت اكتسب به لا حنان ولا حنين , الشعر : ما رحت افتخر به .. وآنتظر منه الثنا ! تخيّري فـ آيّات درب من الدروب وتوصلين , العمر ( أنا ) , والعشق ( أنا ) , والصدق ( أنا ) , والشعر ( أنا ) , http://www.vip1vip.com/vb/images/smilies/icon26.gif |
,
اللي مكدّر خاطرك ( في حريقه ) , كانه مسبب .. ضيقتك وانزعاجك , ما أبي اعرفه , لكن اقول الحقيقه : ما هو على كيفه .. يعكر مزاجك ! |
مقتطفات اتمنى ان تنال اعجابكم للشاعر مشعان البراق العتيبي
|
يسلمووو غموووض على الطرح الرائع
|
امير العشاق لاهنت على مرورك
|
,
يامهاجره مع نصيبك ( راسك السالم ) , ليتك : عن الحال بعدك , ما سألتيني ! بعدك , مثل الغريب المتُعب الحالم ! ما أملك بليّاك غير القلّ في يديني , 3 أسابيع , ما كني مع العالم ! أضحك .. وأنا والله ان الهم طاويني , |
: واهني اللي يحسب الفراق .. أمره سهل داله ٍ سالي , وصدره من الدنيا ما ضاق والا انا كني بعد سفرتك , من غير آهل آح ..يا حرّ الموادع , ويا شين الفراق ! |
كل جرح ٍ قدرت أعالجه طاب
الا جرح المشاعر .. ما قدرته غمـوض القـدر : يعطيك العافية وصح لسـان مشـعان البراق العتيبي والله يوفقه يارب ويوفق الجمـيع . ولك الاحترام والتقدير . |
صح لسااااااااااااان قايلها . مقتطفات رووووووووعه يعطيك ألف عافيه |
almooj
يسلمووووو على المرور |
بدوية
يسلموووووو على المرور |
| الساعة الآن 03:47 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع
