|
أنــــــــــــــا وواحـــــــــــــد مـــــــــــن الرّبــــــع والشّعـــــــــــــــــــــــــــــر
هذا واحد من الربع يقول أنا عندي قناعه إنّي شاعر قلت له ماتنفع قناعتك لوحدك المهم الناس يكون عندهم قناعه إنك شاعر ...السالفه طويله بختصر مادار في بالي في كم بيت أتمنى تنال إعجابكم وأنا ماني شاعر قلتها لاخونا واقولها لكم...
أبدا بذكر المعتلي خير طلآب=محصي مخاليقه ومنشي غمامه وصلاة ربي لاابلج والنور وإن غاب=وعداد مايصبح كدر وإبتسامه على محمد سيدي سيد الاحباب=شفيعنا لاجاء نهار القيامه سلام مثل الشهد حالي وينساب=يقدّره من يشتكي من عدامه أخاطب اهل الفكر واصحاب الالباب=والا الخمامه طول عمره خمامه يوم النصيحه بين شاري وجلآب=خذها الرشيد وخصّها باهتمامه والحين كلّن للحكم شرّع الباب=وقام يكتبها بريش النعامه ياصاحبي يفنى المفلّس ولا جاب=من سيرة اخواله ولا من عمامه إن قلت شاعر قالوا الناس كذّاب=وإن قلت مايعرف لحقني ملامه كان الشّعر غتره ومرعز وقلآب=ومسبحه ياخيبته ياهدامه الشّعر صدق إحساس وإلآ انت نصّاب=تبي علامه وانت كلّك علامه؟ انكان تسعى للمسمّى والالقاب=ويزيد مدحك في الحجاز وتهامه تكسب ثواب إن سرت للناس خطّاب=مهنه ولا فيها رسوم وغرامه واترك حمول الجور لمشمّخ الناب=واطلب دوام العافيه والسّلامه وسلامتكــــم |
أخي ابن الجنوب سلمت وسلمت أناملك الذهبيه التي خطت لنا بوحك الجميل مررت بمتصفحك وراقت لي قصيدك دمت ودام قلمك المضيء ودام فكرك الراقي |
سلمت يابن الجنوب وشاعر بلا منازع |
صح لسانك ملايين ياعميد الشعر .. صديقك الصادق من قال كلمة الحق في وجهك ولا ضحك عليك وضحك الناس عليك
بيض الله وجهك وليت اللي ينسب لنفسه كلمة شاعر يفكر مليون مره قبل مايقولها هل هو شاعر ام لا لأن الناس مايرحمون ابينقدونه بكره . |
صح لسانك وعلا شانك وسلم بنانك وفكرك النيِّر ...
|
صح لسانك وعلا شانك وسلم بنانك
|
ابدعت ياابن الجنوب يا معلم وصح لسانك لين تلين الصفيان
تكسـب ثـواب إن سـرت للنـاس خـطّـاب مــهــنــه ولا فــيــهــا رســــــوم وغـــرامــــه واتــرك حـمـول الـجـور لمشـمّـخ الـنـاب واطـــلــــب دوام الـعــافــيــه والــسّـــلامـــه |
اقتباس:
ومن قال سالم وغانم وحياك الله .لقد أضافت عباراتك الراقيه الشي الكثير على أبياتي المتواضعه...شاكر ومقدر مرورك الكريم لاهنت... |
اقتباس:
الله يسلمك ويبارك فيك شكرا أخي العزيز على مرورك الكريم لاهنت... |
اقتباس:
صح بدنك يابو أحمد ولك الشكر والتقدير على مرورك الكريم لاخلا ولا عدم... |
اقتباس:
صح بدنك أبا فيصل وشاكر ومقدر مرورك وطيب كلامك لاهنت... |
اقتباس:
صح بدنك ولا هنت على مرورك الكريم... |
اقتباس:
صح بدنك والابداع هو مرورك الكريم على أبياتي البسيطه لاخلا ولا عدم... |
ابن الجنوب الله على هذه الروعة، و المعاني المتدفقة من لدن صاحب قلم فريد، و فكر غزير أسجل إعجابي الكبير بالكلمات و صاحبها ابداع بالحرف والكلمه صح لسانك لاهنت |
درس شعري ومناصحه ناضجه
صح لسانك أيها الشامخ في اخلاقك والمبدع في ابياتك ونبض شعرك بصمة اعجاب تحياتي |
اقتباس:
صح بدنك ولاهنتي على مرورك وإطرائك الطيب دمتي كما تحبي... |
[center][quote="ابو شهد";492775]درس شعري ومناصحه ناضجه
صح لسانك أيها الشامخ في اخلاقك والمبدع في ابياتك ونبض شعرك بصمة اعجاب تحياتي[/quote][/center] [size="5"] صح بدنك وكلامك وسام على صدري ياأبا شهد وشاكر ومقدر لك مرورك لاخلا ولا عدم... [/size] |
| الساعة الآن 12:38 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع