البدع : فهد قزعه =
*****=
جيت اتصفح لحالي واحسب المنتدى مات =
وين القصايد ووين اهل الحكم والمثايل =
احترت في جيتي مدري وش اكتب وشقرا =
والسيف في قبضة الفارس وتاه ابقصى ايده=

صح لسانك يا فهد
بدع رائع
ونتظر الرد من أبو طلال
تحياااتي للجميع

الرميصاء
امير الكون
ابوثامر

صحة ابدانكم جميع اشكركم على مروركم

ابو رنيم

صح لسانك يالغالي والله يجمل حالك على هذا التوجية الرائع بيجيك ابو طلال بشغل احترافي ولا اروع

تقبل مروري

الرد:علي السبيه=
.=
ليتك تدمّه بنا ياراعي المن تدامات=
والساكتونه ترى ماهي لرمي المثايل=
والشعر يحتاج له فتلً ونقضً وشقرى=
ماكل منهو يحب الشعر ياهب قصيده=

صح لسانك ولا عدمناك يابو طلال
رد رائع ولا يحتاج له تفسير
تحياااتي لك ولجميع من يمر من هنا

صح لسانك تحمل بدوعي الملكلكه =

البدع : فهد قزعه =
*****=
يابوطلال انت لك حكمه ومنشا فهامات =
آخير من فلسفة بقشان وآبو الجدايل =
مدام للمزرعه حارس وللحب صبرا =
فبيلتقي سارق الحب سد الارياف قيده =

الرد:علي السبيه=
.=
حورية الجن تذهل كل من شافها مات=
ارفق على اهل الهوى والعشق ياابو الجدايل=
القلب يهوى ويتمنى وللحب صبرا=
وقيس يحسب على اصحاب المحبه فقيده=

صحة ابدان الجميع لاهنتم=
صح لسانك يابوطلال =

البدع : فهد قزعه =
*****=
لا جا سيول(ن) غزيره في بلدنا ورشات =
ياليت مايهزم اغصان الغرايس ولا ايميل =
الشايب العود ذاك اللي يقول في كتب را=
تقاصرت خطوة الاقدام ويلا مسيده =

الرد:علي السبيه=
.=
الله مكثر ضحايا اهل السوالف ورى الشات=
وانا تريّحت ماعندي رسايل ولا ايميل=
يامن تدوّر على ذيك العلل فيك تبرى=
كلن يبي يحضن المزيون ويلام سيده=

صح لسانك يابوطلال ردود ولا اروع فديت طستك والمعذره اشغلناك واخذنا من وقتك لاهنت

اشكر كل من مر من هنا ولي ويزيدني شرف مروركم لاهنتم
صقر الجنوب انشاءالله في محاوره ثانيه جيت متأخر بديت العصيده طبييييييييييخ

تسلم ياشيخ فهد وصح لسانك وبدنك واشكرك جزيل الشكر على منحك لي شرف
مجاراتك في هذه المحاوره واعذرني على قُلّ المعرفه وشكري وتقديري لكل من
شرف الصفحه بمروره الكريم كلن باأسمه