|
ثلاااااااثه والرابع عليك
موضوع أتمنى تفعيله من قبل شعراء وشاعرات المنتدى
وفكرته كما يلي يقوم الشاعر أو الشاعره بكتابه ثلاث أشطر والرابع يكمله الشاعر الذي يأتي بعده على نفس الوزن والقافيه ويكتب ثلاث ابيات للشاعر اللي بعده وهكذا اتمنى وضحت الفكره تابعناااا ليس منقول وأنمامن بنيات افكاري وطرحته في احدى المنتديات ولاقا استحسان كبير يالله انا ببدا على بركة الله سلام يا ربع (ن) لهم عندنا شان = وكلن على قدره نعزه ونغليه في مدحكم لا شك ما ني بغلطان = ............................. نحن بإنتظار من يأتي يكمل الشطر الرابع ويكتب ثلاث أشطر أخرى على نفس الوزن والقافيه ودمتم بود |
موضوع رائع يا ترانيم وش رايك إذا اكتملت 12 بيت تنزلينها قصيده كامله باسم شعراء المنتدى .. وبعدها نغير الوزن والمعنى وهكذا ... سلام يا ربع لهم عندنا شان=وكلن على قدره نعزه ونغليه في مدحكم لا شك مانيب غلطان=والا ردي النفس وش حاجتي فيه أنتم هل الصولات في كل ميدان=من أول أيام الزمن لين تاليه لا صار للميدان خيل وفرسان=...................................... |
ترانيم المطر موضوع جدا رااائع مع اني اموووت في الشعر واهواه لكنني لا امتلك موهبه الشعر لو اني امتلكته كان كملت اربعين بيت ههههههههههههههه لكن هناك مشاء الله كثير من الشعراء والشعرات الله يعطيهم العافيه يتميزون بهذي الموهبة اتمنى لكم التوفيق تحيااتي لكي غاليتي غرور |
الصراحة موضوع جديد ورائع .. يعطيك العافية ترانيم وصح لسانك ولسان الهجير سلام يا ربع لهم عندنا شان=وكلن على قدره نعزه ونغليه في مدحكم لا شك مانيب غلطان=والا ردي النفس وش حاجتي فيه أنتم هل الصولات في كل ميدان=من أول أيام الزمن لين تاليه لا صار للميدان خيل وفرسان=باب الشجاعة كلّ واحد يعدّيه وإن صار لأهل الجود منزل وعنوان=باب الكرم كلٌ يزوره ويعنيه ماشفت مثل الشيخ أبو عادل إنسان=................................... |
وإن صار لأهل الجود منزل وعنوان باب الكـرم كـلٌ يـزوره ويعنيـه ماشفت مثل الشيخ أبو عادل إنسان وافي ولا به شخص واحد يساويه شعرانا الشطر الناقص هو اللي نكمله على نفس الوزن ونبدا بقافيه ووزن على كيفكم يا صاحبي شفني من الهم مخنوق = ومن ضيقتي لو كنت تدري تضايق مره من الدنيا ومره من الشوق =.................................. |
سلام يا ربع لهم عندنا شان=وكلن على قدره نعزه ونغليه في مدحكم لا شك مانيب غلطان=والا ردي النفس وش حاجتي فيه أنتم هل الصولات في كل ميدان=من أول أيام الزمن لين تاليه لا صار للميدان خيل وفرسان=باب الشجاعة كلّ واحد يعدّيه وإن صار لأهل الجود منزل وعنوان=باب الكرم كلٌ يزوره ويعنيه ماشفت مثل الشيخ أبو عادل إنسان=اللي على الطولات ربي يجازيه شيخٌ برأسه للشيَم قدر ومكان=وإلى كتبنا أبياتنا مانوفّيه أمّا يكون (الشيخ) مثله وله شان=وإلا حرامٌ مانعدّه ونغليه وهذي كمّلتها عشان الهجير .. وونعم في رباع الصعب وبالشيخ ولا يهون الجميع.. |
يا صاحبي شفني من الهم مخنوق = ومن ضيقتي لو كنت تدري تضايق مره من الدنيا ومره من الشوق =والناس تحسبني مع الناس رايق |
رووووووووعه ترانيم المطر طرح راقي وفكر راقي تسلمين وصح فكرك... ابداع من الجميع ..ترانيم .......الهجير .......شدا الشامي ...ننتظر ثلاثة شدا الشامي.. |
الهجير شورك وهداية الله انا ما انتبهت والله راح تصير رهيبه صحت السنتكم واذا خلصناها نبدا بقصيده عاطفيه ههههه وبعدها هجائه ههههه اما يكون الشيخ مثله وله شان = ولاّ حرام انا نعدّه ونغليه لا هان شيخن من سلايل كحيلان = كم من نفوسن طيبه تبتهج فيه خيره كما مزن(ن) على الناس هتان = يا حي ابو عادل ويا حي طاريه كل القبايل تنتخي طير حوران = ................................. |
صحت السنتكم وبيض الله وجيهكم شعراؤنا الكرام 0وفقكم الله رب العالمين لكل خير 0تقبلوا تحياتى وتقديرى الكبيرين الكل والجميع هنا العلم الاخضرsafaqah
|
هههههههههههههه الله يهديك ياترانيم أنا ختمت القصيدة خلاص والقفلة كانت بالبيت الأخير وهو مقتبس من البيت الأول حقك عشان تكون القفله حلوووه .. وماينفع نكملها لأن كلمة (نغليه) بتصير مكرره وهذا يضعف القصيدة إلا إذا كانت قفلة للقصيدة وأنتي أبصر مني .. ضبطيها ونزّليها في قسم الشعر النبطي لا هنتي .. وإذا تبين نكمل أبياتك الجديدة نكملها .. |
اوكى كذا تمام انا ازبطها وانزلها البدايه الحين عليك وانا بالوسط والهجير يقفل القصيده وياريت الشاعر سمّار يشاركنا هو وبقية الشعراء |
معاكم....ومنكم نستفيد ونتعلم...انا كذا المره هذي قبل الاخير.. القفله على الهجير والبداية عند شدا .. تسلموا ....ياغالين ...نعنشتمونا |
ايوه كذا سمّار يا بعدي ما نستغني عن ابداعك حيك وحي طاريك لا هنت ولا هان مغليك ننتظر شدى الشامي |
الله يعطيكم العافية ونبدأ المرة هذي بقصيدة غزلية غمززززة قالت أحبّك قلت يا ليت يا لوّ = قالت نسيتك قلت بالسرعة هذي عزّ الله إنّي كنت داخل معك جوّ=.................................... وحي الله الشاعر سمّار |
شذا الشامي بيض الله وجهك وصح لسانك قافيه ولااااااااا اروع قالت احبك قلت يا ليت يا لوّ= قالت نسيتك قلت بالسرعه هذي عز الله إني كنت داخل معك جوّ = وعز الله انك غايتي يا ملاذي شوفي عيوني لا تقولين لي قوّ= قلبي رهينك ما نظر للمحاذي برقك برق وبداخلي صادق النوّ =....................................... |
اقتباس:
|
مع الشكر لصاحب الفكره فكره رائعه تستحق الاشاده موفقين جميعا |
فكره رائعه وجميله ... صحّت ألسنتكم جميعاً ... واسمحوا لي بمشاركتكم عسى تعجبكم محاولتي المتواضعه ... لاتـطـلـب الـفـرقـا عـلــى قـلـبـي اتــــروّ فرقاك ما يرضى بها ذا ولا ذي فـي قـربـكـم يــا زيــن دنـيـاي تـحـلـوّ ما قلت من حُبّك كفاني معاذي حُبّك يضوّي دنيتي شبّ نور الضوّ في نظرتي ريم ٍ وغيرك شواذي مـا كـان بـي هـم ٍ ولا كان بي سوّ .................... مودتي وتحياتي.تحيــــــــــــــــة |
فكره رائعه بالتوفيق لكل من شارك في هنا ... هذا البيت ياعاشق المها أعتقد فيه خلل والشعراء أبخص... حُبّك يضوّي دنيتي شبّ نور الضوّ تحياتي وتقديري للجميع... |
القدير الدكتور ليل الوعد وجودك انار المتصفح ونطمع بمشاركتك لك تحيتي وتقديري ترانيم |
الشاعر الكبير حسن القرشي الزهراني دام مرورك العاطر ونطمع بمشاركتنا لك تحيتي وتقديري ترانيم |
شاعرنا القدير ابن الجنوب يحق لنا ان نفتخر بمرور المميزين مثلك دمت ودام تميزك ولا تحرمنا من ابداعك وملاحظتك على البيت في محلها وراح اعدلها تقبل من التحيه اغلاها |
أعتذر لاخونا عاشق المها اني عدلت ابياته هذا شطر مكسور حبك ينور دنيتي شب نور الضوّ تم تعديله وعدلت الشطر اللي يقول لا كان بي همن ولا كان بي سو هنا كلمه سوء الواو ليست مشدده ولكن همزه على نبره وتم تعديلها الشاعر الكبير عاشق المها مشاركتك تاج على رؤؤسنا ونعتز بها تحيتي وتقديري لشخصك الكريم قالت احبك قلت يا ليت يـا لـوّ=قالت نسيتك قلت بالسرعه هـذي عز الله إني كنت داخل معك جـوّ=وعز الله انك غايتي يـا مـلاذي شوفي عيوني لا تقولين لي قـوّ=قلبي رهينك ما نظـر للمحـاذي برقك برق وبداخلي صادق النـوّ=وامطر على جرحي براد الرذاذي وش فيك عجلا وقتنا دوبنـا تـوّ=بارويك حبّ وعشق ماله نفـاذي لاتطلب الفرقا على قلبـي اتـروّ=فرقاك لا يرضا بها ذا ولا ذي في قربكم يا زين دنياي تحلوّ=عن حبكم ما اتوب والله معاذي حبك منوّر دنيتي كنه الضوّ= ميزك ربي عن جميع الشواذي أمر على متْريد واللي تبي سوّ=............................... ننتظر القفله عند اخونا الشاعر الهجير |
ننتظر القفله......نخررررره
|
فكره ممتازه يعطيك العافيه |
اقتباس:
سمار كان خليت هذا الشكل يجي من غيرك أنا متنازل لك بالقفله وأعلن لك هنا عجزي عن إكمالها وفقك الله يالغالي |
الهجير وسمار كلكم كبار ولا يهمكم انا اقفلها عادي ما فيه فرق كلنا اخوان مكملين لبعض وفي القصيده المقبله ان شاء الله اللي يبدا القصيده يقفلها دام تواجدكم تحياتي ترانيم قالت احبك قلت يا ليت يـا لـوّ=قالت نسيتك قلت بالسرعه هـذي عز الله إني كنت داخل معك جوّ=وعز الله انك غايتي يـا مـلاذي شوفي عيوني لا تقولين لي قـوّ=قلبي رهينك ما نظـر للمحـاذي برقك برق وبداخلي صادق النـوّ=وامطر على جرحي براد الرذاذي وش فيك عجلا وقتنا دوبنـا تـوّ=بارويك حبّ وعشق ماله نفـاذي لاتطلب الفرقا على قلبـي اتـروّ=فرقاك لا يرضا بهـا ذا ولا ذي في قربكم يا زين دنيـاي تحلـوّ=عن حبكم ما اتوب والله معـاذي حبك منوّر دنيتـي كنـه الضـوّ=ميزك ربي عن جميع الشـواذي أمر على متْريد واللي تبي سـوّ= يصعب على اللي حب يجرح وياذي لو باب شيطانك فتحتيه في لوّ = الفرق واضح بين هذا وهذي |
صح لسانك ياترانيم المطر على القفله الرائعه وشكراً لك على التعديل ....تحيــــــــــــــــة |
طيب إش رايكم في هذه البدايه على قدّ المعرفه .... سـلام الله عـلـى الـغـالي سلام ٍ يروي الظامي وووردوووردسـلام ٍ يفرح الراضي ويرضي خاطر ٍ زعلان أنـا جـيـتـك وطـرف الـعـين من فرقاك ما نامي وووردووورد***************** |
بيض الله وجهك يا عاشق بس انا في كل مره أرسل دعوه لثلاث شعراء وتمت مراسلتهم وبإنتظار موافقتهم وانت بإذن الله راح تكون بالقصيده القادمه تقبل تحيتي وتقديري ودمت بود ترانيم |
طيب أنا ببدأ الى متى تتنفس أرواح المحبين الكلام=والى متى تتنفس أرواح البساتين العطر ليه الجفا يسقي جذور الحب وأشواقي غمام=........................................ |
الله الله على الإبداع وأهله بدايه موفقه من شاعر مميز بكل ما تعنيه الكلمه من معنى وراح تكون القفله عندك إن شاء الله بإنتظار سفير الشعر (بن هندي ) لينثر لنا ما يروي الذايقه تقبلوا تحيتي وتقديري ترانيم |
بما أن لم يصل ولااااااااا شاعر للان سوف أكمل واللي يجي يكمل بعدي الى متى تتنفس أرواح المحبين الكلام=والى متى تتنفس أرواح البساتين العطر ليه الجفا يسقي جذور الحب وأشواقي غمام= وليه المساء ما يرحم اللي واصلن حد الخطر وكيف المحبه تنتهى والقلب يملاه الغرام = وكيف العيون الناعسه نامت على قطرة مطر ومن دون ما ندري نصبنا بالحنايا له خيام =........................................ |
إلى متى تتنفس أرواح الـمـحـبـيــن الـــكـــلام=والــــى مــتــى تـتـنـفـس أرواح البـسـاتـيـن الـعــطــر ليـه الجفـا يسقـي جـذور الحـب وأشواقـي غـمـام=وليه المساء ما يرحم اللي واصلن حد الخطـر وكـيــف المـحـبـه تنـتـهـى والـقـلــب يــمــلاه الــغــرام=وكيف العيون الناعسه نامت على قطرة مطر ومن دون ما ندري نصبنا بالحنايا له خيام=الناس تعشق ما تقول وتكتبه بأول سطر وأنا عشقت الزين غصب وعشقنا ما به ملام=أرفع شعارات الوصل لو كان قلبي منفطر ياقمري الأشجان قمْ غرّد ورفرف ياحمام=**************************** |
اعانكم الله
يا اهل رباع يا شعراء الاكاديمية |
إلى متـى تتنفـس أرواح المحبيـن الكـلام=والى متى تتنفـس أرواح البساتيـن العطـر ليه الجفا يسقي جذور الحب وأشواقي غمـام=وليه المساء ما يرحم اللي واصلن حد الخطر وكيف المحبه تنتهى والقلـب يمـلاه الغـرام=وكيف العيون الناعسه نامت على قطرة مطـر ومن دون ما ندري نصبنا بالحنايا لـه خيـام=الناس تعشق ما تقول وتكتبه باول سطر وأنا عشقت الزين غصب وعشقنا مابه ملام= أرفع شعارات الوصل لو كان قلبي منفطر ياقمري الأشجان قمْ غـرّد ورفـرف ياحمـام=واصدح وسمعني تغاريدك مع رش القطر الجو رايق والزهر ميّل مع نثر الغمام=وانته ترانيمك ولا اروع وغيرك ماخطر من توه النظره وضيع خطوته وسط الزحام=................... |
ابداع في ابداع ما شاء الله عليكم والله انكم اطلق من شعراء بعظ المجّلات .. تحيه وتقدير لمثل هذا الابداع safaqah
|
اقتباس:
شاعرنا المميز صوت بدادا مجنون وربي الله عليك الله عليك احساس راق لي نورت القسم النبطي لا تحرمنا مرورك العاطر وبوحك المميز أبيات ولاااا أروع بإنتظار شاعرنا الهجير لقفل القصيده بارك الله بالجميع... ودمتم بود ترانيم |
صحت الالسنه ليتني شاعره كان سويت فيكم شي مايتسوى لكنى تحت التدريب هههههههههه موفقين تحياااتي لكم ولاوصيك ياترانيم قريب اكسر روس مثلك هههههههه امزح يا هندي الاوسمه والنقاط عندي وانا اختك ابشر بها وانا بنت ابووووي ههههههههههههههههه تحياتي لكم غرور |
| الساعة الآن 06:06 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع