|
ويمسي ويصبح والكلبشات فيده \ وين المجاهد
يقول المجاهد ودي اقتاد بشار من المرجة وأوديه غصبن ورشام ولابي معي عسكر ولأبغي مضلين يكفيني أشوفه يذوق المر أمرار ويمسي ويصبح والكلبشات فيده |
الله الله بعد ذيك المسحاه والزنبيل يافارس الفيصل والحين سرت شاعر في منتدى رباع
الله ياخارجنا منك صح لسانك يالمطلق على هذا االبدع مدري وش جابك عدي السفاح بشار استلم الرد الرد من المجاهد= بعد مالفاء عندي مفرح وبشار= وعيني تشاهد عد مارا ورشام= ونرجي ظلال الله ولبغي مضلين= وراعي الخطاء ماتاب لامر ومرار= ولا ادري من اللي بالخطاء من يفيده= |
طيب طيب ياخيه سرا ليلك تعوذ من الشيطان والجار للجار ولا تسبق الأحداث وتجيك الاعلام وذا جيت عندي مرحبا اهلاوسهلين ترا بيننا صحبه ولا اخفيت الاسرار واذا تعتذر مني فهاذي مصيبه |
الحقيقه يافارس الفيصل مبدع مبدع الله يجعلك هنا ماعد تروح
وصح لسانك الرد من المجاهد= ترا خاطري مبسوط والقلب للجار= شعار السعوديه علم عز الاعلام= وراعي القسى لافاق ولاوسه لين= ترا قادمي ماقد عنا كثر الاسرار= وذا سلتني عالهول قلنا مصيبه= |
تسلم يابواحمد مكملين لبعض طال عمرك ترا البحر يابو احمد خطير وغدار ونصح اللذي مؤمن شريعه بالاسلام ولا انت اللذي مجنون مثل المجانين معك عقل توزن كل علم بالافكار وتدري عن الفايت من اللي قريبه |
تسلم تسلم يافارس الفيصل على هذا الابداع منك يالمطلق
وصح لسانك ملاييييييييييييييين الرد من المجاهد= انا من ديار الكره رايح وغداااار= ولوجيت درب الشر ماني بالاسلام= وشفت النخل والناس حوله مجانين= وساقي على درب الجمايل يلف كار= ومن تاه ماقلنا من اللي قريبه= |
فارس الفيصل
و المجاهــــــــد صحت السنتكم وتعافت ابدانكم ودام إبداعكم وبيض الله وجوهكم كلام جميل وإبداع متواصل والله يعطيكم العافيه . تقبلوا تقديري |
وانت بعد يابو رايد وجهك ابيض وصح لسانك يالغالي على المرور من هنا
مرورك من هنا تاج على روسنا يابوراااايد |
ابورايد مسا الخير لنا عضيم الشرف بمرورك لكن الاخيره دوبي انتبه لها لا تلومنا وحنا مواصلين انشا الله |
تسلم تسلم يالنشمي الحي يحييك والميت يزيدك غبن سمعت ان عندك منقويه ومنشار تهدد وناوي كل خاين بالاعدام نشدنا وحاولنا نشوف الخبرزين وثار الدعايه كلها حول منظار بغى يضفرالخاين بفكره جديده |
فارس الفيصل
و المجــــــــاهد صحت الالسن متابعين وهنا كلام يستحق المتابعه بيض الله وجوهكم |
صح لسانك يافارس الفيصل هيا خذ هذا الرد ولو انه مايوصل الى ابداعك لكن اقبله على قول المعرفه
الرد من المجاهد= ترا مايتوه اللي بي ينشد ومن شار= ولابي تجوز التضحيه لي بالاعدام= وانا عارف ان الضن بعد االخبرزين= ولك في نظر عيني محبه ومنظار= وراعي الكرم باقي على منجد أيده= |
صح لسانك يا النشمي اقسم بالله مبدع اذا سرت ربان السفينة وبحار وتعرف فنون الخط وتقول رسام فودي نصلح لك كتب بالدواوين وتبني صروح المجد وتجيد الأعمار وتنشر صوركم بالصحف والجريده |
اقتباس:
الرد من المجاهد= اشوف العدو بالنظره حاقد وبحااار= ونظرات عينه كنها اتقول رساااام= ويافارس اسعفني ولو بالدواوين= ورب السماء والكون يدري بالاعمار= ويدري عن اللي بالستر والجريده= |
طيب طيب بحر ما ينضب ماشا لله نويا وحقد الشيعة غدرا وكدار وما سار يوم العيد في قتل صدام دليل النذالة عند ناسن مولين وذا غاب سيد يلعب القط والفار ولآمن حضر ضلوا قباله شريده |
الله الله عليك tاراس الفيصل ومن وين تجيب ذالشمات
صح لسانك يالغالي استلم الرد الرد من المجاهد= سلامي على سيل<ن> تحدر وكدااار= ولايحسب الوادي رزانه وصداااام= وبعض البشر عن منتدانا مولين= ولاهي حسافه عالذي هج والفاااااار= ولوفات عن عيني وينحاش اريده= |
ايو ايو انحاش يعني افلح انت مصيبه الله يكفيني شرك رباع الصعب دستور للجود وأحرار قبيله وشيخ(ن)في حماه الستر دام وابواحمد وربعه والمطاليق رابين على سيرته ما لعهد الأول وصدار بنو رمز عنوان العلوم السديدة |
صح لسانك ياشاعر رباع كلام كلام والله
الرد من المجاهد= ترا القدس بي يلقى بعد جيش وحرار= ويردم على من شوهه بستة اردااام= ويقتص من بيريز وي حد رااابين= وبعده نشوف لناس وردا"وصدااار= ورمي البطل معروف رمي السديده= |
صح لسانك يالنشمي وحقيقه استأنست بردودك الطيبة والف شكر لكل من مر وعلق على القصايد وانشا الله قريبا نلتقي دمتم بخير |
شكرا" يافارس الفيصل واتشرف ان ارد على شاعر مثلك
ولاهنت ولاهان كل من مر وهنا وعلق ولنا لقاء باذن الله |
| الساعة الآن 03:15 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع