يالله تعدّيهـا علـى خيـر وتصـيـب مـن حدّنـي أكتـب خمالـه وعيبـه=يبغى الصّراحه مابها شـك او ريـب باقولهـا والـنـاس كــلٍ وطيـبـه
الـحـر ماينـفـع بلـيّـا مخالـيـب والعقـل للرجّـال زيـنـه وهيـبـه=والسّالفـه ماهـي بلحيـة مواجـيـب كـلٍ علـى طبعـه يجيبـه حليـبـه
بعض المنابـت بالمراجـل عذاريـب وبعض المنابـت للمراجـل خصيبـه=رجلٍ يبـي طاريـه عنـد الأشانيـب ورجـلٍ يبـي طاريـه عنـد الحبيبـه
ورجـلٍ يـودّي بالسواليـف ويجيـب ورجـلٍ سواليفـه لفعـلـه تجيـبـه=ورجلٍ يغض الطّرف عن جارة صحيب ورجلٍ عيونه فـي محـارم صحيبـه
ورجل يغيب ويفقدونـه هـل الطيـب ورجلٍ ليامن غـاب ماحـدٍ دري بـه=ورجلٍ تشوف بخوّتـه لـك مكاسيـب ورجلٍ تشـوف بخوّتـه لـك غليبـه
ورجلٍ إذا أخطى يرى نفسـه مصيـب ورجـلٍ إذا إخطـى يراهـا مصيبـه=قلت الصّراحه مابهـا شـك أو ريـب كـلٍ علـى طبعـه يجيبـه حليـبـه
إشره وشرّه كـان تبغـى المواجيـب عط حـق تاخـذ حـق مابـه معيبـه=

المشاركة الأصلية كتبت بواسطة علي السبيَه (المشاركة 78112) قصيده رائعه بروعة قائلها وصح لسان من قالها ومشكوره ياام رتيبه على نقلك لهذه القصيده الرائعه