عذبيني واجرحيني كان تسعدك الجراح=عذبي قلبٍ تعنى لجل عينك واتعبيه
لا يهمك في عذابي كانت اهمومك تزاح=فرغي غيضك بقلبي ياحياتي واذبحيه
عذبي قلبٍ رسم من بسمتك نور الصباح=اقتلي فيه الاماني يا عيوني واعدميه
عذبي قلبٍ في اعماقه حمل حبك سفاح=واقطعي فيه الامل وان كان يسعدك اجهضيه
لا يهمك في عذابه لا يهوّنك الصياح=اقتليه ارجوك لكن وسط قلبك ادفنيه
هو حياته في عيونك ياحياتي والمراح=منيته بين النواظر والحواجب تقبريه
لو دريتي لا بدت له صورتك والنور لاح=قامت افراحه تزفه والمخاوف تعتريه
التبس حبك على حزنه وشوقك له وشاح=كل ماعاند وقاوم نار حبك تبتليه
التهب في داخله والحزن منسيه الفراح=كل ما حاول وصالك بالمعاند تبعدبه
حبك اصبح ماكله والمشرب العذب القراح=كيف لا وانتي بكل الوان طيفك تسكنيه
العذاب اصبح من ايدينك في القلب انشراح=ادمن التعذيب وادمن كل طعنه تطعنيه
سلّم ابقتله على يدينك ومعطيك السماح=ريحيه او زيدي الطعنات بيدك واقتليه