تقول اني كرهتك واتهامك منتهى القسوه=حرام الظلم وش سويت عشاني بس حبيتك
ظلمت القلب واتعبته ولا كانت بك الهقوه=الا ما اقساك في حكمك تقول اني تناسيتك
اناطهرت باحزاني عيونٍ تحترق عنوه=وباحزاني بعد طهرت فوادي يوم لاقيتك
قطعت البر لعيونك ولا اهتميت في بدوه=سموم الصيف تحرقني الا انهديت ناديتك
وجيت اليوم تحرقني تقول الكره والجفوه=تنادي كل جيرانك وتنشد ليش جافيتك
احس ابكل حرفٍ لك نزيف الدم له شهوه=يقطع داخلي شيٍ وينشد ليش داريتك
اشوفك تعلن اصدودك وكل جمله لها نزوه=وانا بالحب انادي لك وبسم الشوق هاديتك
بلحظات المقابل جيت تقول الكره لي صفوه=وانا والكره متضادين ولا بالكره جازيتك
تبي تشعل جنوني بك تجاري واحدٍ معتوه=وانامن زود حبي لك سكت ولا تعاديتك
حملت الحزن في جوفي وصورت الفرح مشبوه=رسمت الضحك بشفاهي وجاريتك وماديتك
انا بانشدك وابربك صدوق القلب وش يعطوه=حملت القلب بافراحه حملته شوق واعطيتك
صحيح ان الخطا يحصل وكل اجواد له كبوه=وانا ما قلت من قلبي غرامك راح وانهيتك
ترى حبي على عهده وقلبي سار لك عزوه=وفي نفسي سرى حبك وسامحتك وصافيتك

انا بانشدك وابربك صدوق القلـب وش يعطـوه =حملت القلب بافراحه حملته شـوق واعطيتـك
صحيح ان الخطا يحصل وكل اجواد له كبـوه =وانا ما قلت من قلبـي غرامـك راح وانهيتـك
ترى حبي على عهده وقلبي سار لـك عـزوه =وفي نفسي سرى حبك وسامحتـك وصافيتـك