اسمع ترى لي بيـن الاهـداب وقفـه=في كل نظرة عين لي وقفـة اعجـاب
سلهم عيونك واجرح القلـب واشفـه=يشفى بنظره مـن عيونـك وينصـاب
الله على عيونك فـي الكـون نصفـه=نصف الجمال اعيون والنصف الاهداب
نظرة عيونك لو تجـي بـس خطفـه=العيـن تذبحهـا وبالقـلـب شـبـاب
بحر الغـرام ابنظـرة العيـن نزفـه=وابداخل اعيونك مـن الشـوق نهـاب
نظرة عيونك ترجـف القلـب رجفـه=احس موتي تحصـره فتحـت انقـاب
لـف النقـاب او لا تخلـيـه لـفـه=لاحدٍ يلامس نظرتك غيـر الأحبـاب
رمشـك الا منـه تلاعـب بعـزفـه=ترقص عيوني له بنظرات ألأعجـاب
حتى الجمـال ايثيـر عينـك بعطفـه=وينحنـي لعيونـك اجـلال منسـاب
حتى الشعر يعجـز بعينيـك وصفـه=والا تـراه الحسـن عينيـك طـلاب