شعر راسي حطب والشيب نار(ن)تشبه=
كيف يطفا لهيبه والزمن له وقود=
+=
من يهدد حياتي كيف قلبي يحبه=
شب خضر المشاعر واحترق كل عود=
+=
حسبه الله لاولّع شراره وقبه=
واصبحت تحت نيرانه حياتي ركود=
+=
صار عمري جمر يصلى وقلبي مكبه=
والجوارح على ماقد حصل لي شهود=
+=
امتلا شعر راسي من بياضه وعبه=
حل قدام حينه وكلما له يزود=
+=
فين ودك تروح وفين ودك تخبه=
عن قدومه وليتك باالتقى له تجود=
+=
راس مرقاب طارف للعواصف مهبه=
ماتطفيه نسمات الهوى والبرود=
+=
مابيلحقه منّا الا الجفا والمسبه=
ولابتشري علاماته صروف النقود=
+=
هو نذير القلوب وهو عدو المحبه=
وهو الطريق المودي للقبر واللحود=
+=
وهو على كل غافل عن مصيره منبه=
وهو قرين المساجد والدعاء والسجود=
+=
يوم يدعيك صوته مالك الا تلبه=
والسنين التي تطرد بعضها تهود=
+=
ما للانسان حيله لانزل حكم ربه=
والقدر له على كل الخلايق نفود=
+=
مايرده مرد ولا يداويه طبه=
و لانكره النكير ولاجحده الجحود=
+=
يمكن انه يتوّه كل عاقل بلبه=
وشبعد للمسير لاوصل للحدود=
+=
كاس محتوم شربه له قلوب(ن)مغبه=
لاوعد مايسعه الا يوفي الوعود=

المشاركة الأصلية كتبت بواسطة أحلى زهرانيه (المشاركة 96794) الله عـــــليك وعلى معانيها تسلم ياعلي

المشاركة الأصلية كتبت بواسطة أحلى زهرانيه (المشاركة 96797) من كلامك ضحكت وانا كنت احسب الفرح عن بسمتي غاب

المشاركة الأصلية كتبت بواسطة أحلى زهرانيه (المشاركة 96803) يعني انت بكلامك وبطلتك تونس الخاطر لايكون راح بالك بعيد