|
هيلكس فهد جعدان
هذه قصيده ارسلها لي الشاعر فهد جعدان قالها في
سياره معه هايلكس الضاهر انها اول سياره صنعوها اليابنيين وجايت من حظ شاعرنا الكريم فهد جعدان
هلا يسعد لي الصوت الذي قد حرّك الهوجاس=وقيثار الغرام اللي يغني في اذانيه هلا ياريحت الوادي هلا ياهبت النسناس=عسى يفداك ياالغالي ملاقيف الشريطيه هلا ياابو رفارف كن ضاربها بوجه الفاس=وصادم له هلال احمر واشاره ثم دوريه وكبوته من اول ماصنع في سايقً منحاس=كراسيه المكينه تشتكي ماتعرف الفيه وصدامه تقول اشدق عليه ابيضحكون الناس=ولكنه مربط باالحبال النايلونيه وركبنا على البيبان فانوسً كما العساس=ولو قالو العرب لجليش قلت انوار غازيه وحتى المقعده والله لحطينا لها حراس=تخيل ياطويل العمر شالوه الحراميه والى طبيت في القريه تقول كليب مع جساس=الى من حن شكمانه والى من دق بوريه والى من ضاع مفتاحه ترى ماصابني الوسواس=اشغلها براس الملعقه والا بجنبيه |
ان شاء الله يبيعها ويشتري له دستن
|
السبيه عمت صباحاً بلغ الشاعر المذكور اعلاه تحياتي وردي المتواضع ولك وله مني التحيه والأحترام
الا يابن السبيه بلّغ الشاعر وقله باس=كفاه العمر غامر به مع هيلكس جنيه موديله منتهي واصبح بلا معنى عديم الساس=ولا عاد ينجد الموتر في الروحه وفي الجيه وبلّغه ان عالمنا تطور وانظر الأجراس=كنايسهم تدق ابمقدم الفين او ثمانيه موديلات السنه هلت علينا شي ما ينقاس=تطور في مكاينها وشاشة عرض محميه وفيها امثبت السرعه تشوف الأرض لك تنداس=الا عرّضت في خطك تشوف الارض محنيه وفيها للخطر شاره وفيها للنسا حساس=الا مريت من سوقٍ تشوف ارقاب مثنيه والا فكيت شباكه تشوف امن العجب اجناس=تشوف الناس تتناشد وجتك ارقام مرميه على شارع صلاح الدين تشوف الناس في غطراس=همر والا موديل الحوت تشوف اثنين عن ميه تقدم للملك واكتب مواطن مشهر الأفلاس=ويمكن يكتب الله لك يجيك الحوت عيديه |
اقتباس:
شكرا على مرورك ودعوه مقبوله انشاءالله |
اقتباس:
يااخي انت بحر ماشاءالله عليك وصح لسانك يامبدع على هذا الرد الرائع وانا بااقوم باارسالها الى الشاعر فهد لعل وعسى يكون بينك وبينه محاوره ونسميها محاورة العملاقه |
صح لسان فهد ولسان الشاعر الكبير الهمس
قصيدتان ولا اروع لكم كل التقدير والاحترام |
تسلم يابو طلال ويعطيك العافيه
|
اقتباس:
صح بدنك وعلا شانك ياقلب واحساس شرفت الصفحه بمرورك الكريم |
اقتباس:
شكرا على مرورك الطيب ياشيخ تركي |
| الساعة الآن 02:14 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع