سمعنا عن تحدي بوش وفيها لهجة التخويف=لكن الشاعره تعلن تحديها وهي جيه
اشوف الشاعره تصرخ وتتباهى بفن الكيف =لا هي قد البحر تنزل وتتصارع مع غيه
اشوف اسهومها طاشت واشوف ابيدّها ترجيف=واشوف البنت لا قامت تعود غصب مثنيه
ترى موج البحر عاتي ولا تقوى على التجديف=ومركبها خشب هالك تشيله ريح وسميه
تخالف ودها تبرز ولا تقبل بحل انصيف=وتبدي السيف بيديها ولا تدري عن الديه
اقول الوقت متغير ورب البيت سار الشيف=وبنت الشيخ ما باقي عليها غير شبريه
واشوف الراسيه تشعر وتخلط لونها بالطيف = وكن ارجالهم ماتوا وهم بالديره الحيه
اظن الوقت سارقهم وراح العمر بالتسويف=وبين الحين والأخر نشوف البنت عبريه
تعالي واسمعي مني وخلي اللعب والتخريف=ترى ابيوت الشعر تبقي وهي بالبر محميه
واذا ما رد صاحبها وهابه لهجة التخويف=اظنه عاجز منها وهو زيها وهي زيه