بيت الشعر
 

يقولون ان بيت الشعر ماتقفل به البيبان
دخلت وقلت بسم الله لفاكم ضيف ياهل البيت

وشفته بيت متمكن على ساسه رفيع الشان
تواصيفه غريبه لوبغيت اقولها غرَيت

ولاهوبيت عادى بيت يسكن داخله شيطان
ومن حوله ميت جنَي وبابه يحرسه عفريت

لقيت اهله من الروَاد وانا شاعرً غلبان
وصافحته وصافحني وهوسمَا وانا سمَيت

وقلت انا دخيل الحرف والاحساس والقيفان
وانا ضيف القصايد والقصايد با اسمهاغنَيت

ودقَوَ لي الطبول ومال راسي في الهوى طربان
شغبت الصوت وارهبت الشعور وداخلي ونَيت

وجرَيت اللَحون اللي تسلَي خاطر الحيران
ونادمت المعاني واطربت فكري ولا ملَيت

ولوطعت الهواجس فجَرت في داخلي بركان
ولاكن ما تعدَيت الذي في خاطري اتمنيت

قصايد في معانيها ترجَح كفَة الميزان
وترضي ضيقة الخاطر وتحيي كل قلبً ميت

وهي وش هي القصايد غير معنى من شعورانسان
والا يا عادها الله ساعةً من بابها مريَت

شعر/علي السبيه

الله عليك يامبدع
تقبل تحياتي واعجابي

شاعر مبدع وقصائدك دائما لها طعم آخر وتتشعب الافكار مع معانيها ويسرح الفكر الى ابعد من ذلك

والا يا عادها الله ساعةً من بابها مريَت ؟؟؟

اخونا الغريب واستاذنا صقرالجنوب
شكرا على مروركم الذي شرفني