ما بين عز الجنوب او دار نجديه=قلبي تعلق وسارت نجد محرابه
عيني على نجد واشواقي جنوبيه=والروح ما بينهم تغلي وشبابه
لا هب ريح الجنوبي ترجف ايديه=اشم من عطرها ريحٍ تحلا به
وان هبت الريح والاوراق نثريه=شميت من نجد ريحه واتغنا به
اسير في درب خلي وادعس الحيه=واليل لا همني ظلمه ولا دابه
كم واحدٍ في طريقي هو مع خيه=ذبحت خيه ورجلي تدعس اشنابه
اقدم على الموت والأخطار منسيه=وعوم بالبحر والأمواج غصابه
حبيبي الي سكن في نجد حوليه=طبعه تغير وروحي فيه طلابه
مشاعر الحب في جوفي جنونيه=اعشق سرابه وقلبي يحسب احسابه
خيلت له في خيالي شكل حوريه=اوصافها بالحلا والموت باهدابه
بين البشر بالحلا ما فيه ابد زيه=ماله شبه لو نقول الناس تتشابه
طول غيابه وانا في حروة الجيه=الصبر طيب لكن القسوه نهابه
قلبي غدا في غرامك فاقدٍ ضيه=الوقت يبعده لكن الوله جابه
كني لمست الجفا وامبيت النيه=شفت الجفا في حروفه واجهل اسبابه
ياخوفي ارواحنا تذبل وهي حيه=واقلوبنا ما تقاوي اظروف غلابه
سوي من الهمس قصة حب مرثيه=عنوانها الحب والموضوع اعجابه

عيني على نجد واشواقـي جنوبيـه= والروح ما بينهـم تغلـي وشبابـه
لا هب ريح الجنوبي ترجف ايديـه= اشم من عطرها ريـحٍ تحـلا بـه
وان هبت الريـح والاوراق نثريـه =شميت من نجد ريحه واتغنـا بـه
اسير في درب خلي وادعس الحيـه =واليل لا همنـي ظلمـه ولا دابـه