بعض العلل ماتطيب الا من الكيه=نكوي به الراس لين القلب يغلا به
ولا خذينا من البحرين محويه=يمكن بها نبري المجنون واعطابه
لوماغدت علّت الوجعان مشفيه=يموت مغبون قلبه ماحد ادرابه
كذالك الحب منه ارواح مرزيه=اشواق تهجم على العاشق وتسطا به
قالو قتيل الهوى ماله ولا ديه=اسمه كتبناه فوق القبر ونصابه
الود ياصاحبي لقلوب ولفيه=للصاحب اللي يدارينا وندرا به
ولا فبعض الخلايق حبهم سيه=مايجلب الا هموم القلب وعذابه
يشيل بين الضلوع قلوب وهميه=لاكن مصيره يبان ونفتح اكتابه
نحتاج للحب مثل الشمس والفيه=لكن اشوف اغلب الاحباب نصابه
عيونهم عن دروب الصدق معميه=مايطلبون الرضا للكره طلابه
اللي لهم في علوم الخبث ماريه=والصدق والحب الاصلي قفلو بابه
قلوب فيها الرضا وقلوب عاديه=وقلب خاوي وقلبن يقبل اعتابه
وقلب بين القلوب يسير له ذيه=آذا بعيد العرب وآذا به اقرابه
وقلوب عاالوصل والقربا موليه=وقلوب باالحب والاحساس لعّابه
ماحد بيبني من الاحقاد ماليه=والصدق جمّل كتاب الحب ماعابه
قولو لمن جمرته حيه وولعيه=كلن بيلقا جزاه ويعرف احسابه

.................................................. ...................................
ياعمي انا قصايدي على قد حالي والابيات مسالمه ماتخوف
وزادني شرف مرورك الراقي وتعليقك الطيب ياطيب

.................................................. ..........
اتشرف بمرور شاعر بحجم الهمس على قصيدة
علي السبيه الغلبان وتشرفني مجاراتك لقصايدي

.................................................. .........................
حىالله رحاب الرحمن نورتي الصفحه وشرفتي القصيده
بتواضعك ومرورك العذب الجميل فيامليون مرحبا

.................................................. ...............................................
حىالله الشيخ متعب والرائع هو مرورك الطيب ياطيب