بعض العلل ماتطيب الا مـن الكيـه=
نكوي به الراس لين القلب يغلا بـه=
+=
ولا خذينا مـن البحريـن محويـه=
يمكن بها نبري المجنون واعطابـه=
+=
لوماغدت علّـت الوجعان مشفيـه=
يموت مغبون قلبـه ماحـد ادرابـه=
+=
كذالك الحـب منـه ارواح مرزيـه=
اشواق تهجم على العاشق وتسطا به=
+=
قالو قتيل الهـوى مالـه ولا ديـه=
اسمه كتبناه فوق القبـر ونصابـه=
+=
الـود ياصاحبـي لقلـوب ولفيـه=
للصاحب اللي يدارينـا ونـدرا بـه=
+=
ولا فبعض الخلايـق حبهـم سيـه=
مايجلب الا همـوم القلـب وعذابـه=
+=
يشيل بين الضلوع قلـوب وهميـه=
لاكن مصيره يبـان ونفتـح اكتابـه=
+=
نحتاج للحب مثل الشمـس والفيـه=
لكن اشوف اغلب الاحبـاب نصابـه=
+=
عيونهم عن دروب الصدق معميـه=
مايطلبـون الرضـا للكـره طلابـه=
+=
اللي لهم في علوم الخبـث ماريـه=
والصدق والحب الاصلي قفلو بابـه=
+=
قلوب فيها الرضا وقلـوب عاديـه=
وقلب خاوي وقلبـن يقبـل اعتابـه=
+=
وقلب بين القلوب يسيـر لـه ذيـه=
آذا بعيد العـرب وآذا بـه اقرابـه=
+=
وقلوب عاالوصـل والقربـا موليـه=
وقلوب باالحب والاحسـاس لعّابـه=
+=
ماحد بيبنـي مـن الاحقـاد ماليـه=
والصدق جمّل كتاب الحب ماعابـه=
+=
قولو لمن جمرتـه حيـه وولعيـه=
كلن بيلقا جـزاه ويعـرف احسابـه=