القلب يشكي عذاب البعد يا روحي= والروح تبكي على الفرقا وولهانه
البارحه ماقدرت الملم اجروحي=والعين تشكي من ابعادك وسهرانه
في داخلي يا حياتي ينفجر بوحي=وابداخلي تنفجر اهات حيرانه
اقعد مع الناس وافكاري بك اسروحي=والروح في عالمك بالحب هيمانه
الم بعضي من اهاتي ومفضوحي=والناس تنشد تقول منهو على السانه
الشوق فيني سرى والجسم مطروحي=حتى المشاعر غدت بالحب سكرانه
اتصنع اني نسيتك يمكن اتروحي=وانسى وانا ناسي ان الروح نسيانه
اكتم بنفسي غرامك واكبح اجموحي=واعيش داخل سوار الشوق واحزانه
قلبي سجينك وبيدك تطلق اسروحي=يعشق غرام السجن دام انت سجانه