|
الشجاع والسعلية
كان فيه واحد ولا واحد إلا الله ومن عليه ذنب يسطغفر الله(يستغفر)...
كان فيه رجال شهم وشجاع اسمه عَمر...في يوم ضاع جمله دور ...دور...دور ولا لقيه وجاء المغرب وهو في الارياع والشعبان يدور عليه... ومن بعيد شاف ناااار...ومشى مشى لين وصل عندها...سلم ولقي كهله وعندها ثنتين بنات... رحبت الكهله وسهلت وقهوته...وعرفت انه يدور على جمله... قالت امس عندنا لبكره ومن اصبح افلح...وانت تعبان ولا بتشوف شئ في الغدره... وطلبت العشى للضيف من وحده من بناتها...يوم قامت البنت اصطكت ارجولها في بعض وطلع كما الضواح منها(شرر) ويلمح عمر في ارجولها لاون ارجولها كما ارجول الحمار سقط قلبه خرعه ... لمح في ارجول الكهله لاونها كما بنتها سعليه... خذت به الفلاهيم لين قال يااااعمه بي بول ...قالت اخرج ورى البيت طير الشراب وتعال... قال: انا ماطير الشراب إلا تحت القربه... قالت: القربه ورى اللبن عد وراه... وهو يقوم خذ له شوكه من طرف الخشيب...وطعز(خ رق، طبز) القربه بها... وهبها وحده ثنتين وشرد.....وهن في حراه...تلهوي... يسمعن صوت الماء ولا له حس.. قالت الكهله: عَمر عمرين بك بول وإلا بولين ....عمر عمرين بك بول وإلا بولين... ولا حد رد ...قمن يلمحن له لاون ماهلا القربه بزبزتها...وهو ماله لاعكر ولا ذكر... ويطردن وراه يبغين يلحقننه....فتقو ل امهن تشجعهن... لبنتها الكبيره...ياااا اااهتف هتف الحقيه ولك عظمة الكتف... وللثانيه...يااا اااااااسلقلاقه الحقيه ولك مخة الساقه.... وهن وراه وقربوا من القريه وفي طرفها واديهم وبير يعرفها عمر حقتهم ويسقي منها مع اهله ...ويتعلق بالعقشه وينط في البير... وهن كملن لين وصلن الدار يدورن عليه...ولا لقيننه...وعودن وهن خايبات الرجاء في عظمة الكتف ومخة الساقه للبنات ولحمة الادمي كله للكهله ... يوم اصبح الصبح خرج عمر من البير سالم واعلم اهله بما حصل عليه من تهاويل مع السعليه وبناتها ... وسلامتكم... هذه القصه من قصص جدتي عليها من الله رحمة ونور الي يوم القيامه... وتناقلتها العائله والقريه الى الان... وتهاوشت انا وخباعه عليها انا اقول حصلت عندنا وهو يقول حصلت عندهم...وابو عبدالله يقول صارت عندهم بعد...هااااه وانتم لا يكون صارت عندكم زيد ولكن بيرهم اندفنت وسعليتهم ماتت وبيرنا الى الان موجوده و وسعليتنا ما ماتت......>> مادري وين هست لا حد يسألني عنها ... بس اهل عمر اقصد ذريته وعائلته موجوده في القريه وفخورين به جدا......>> لا يكون سفانه انتشروا في القرى وانحن ماندري... وعقبتني عليكم العافيه....وداع ة الله |
شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .
|
الله يا عقاب على القصة ذكرتني فيها و انا ناسيتها كاني ما عاد اعرفها جهد موفق باذن الله ننتظر جديدك على احر من الجمر |
عقاب
قصة اسطورية رائعة شكراً من القلب لطرحك الموضوعي الهادف اجمل تحية لقلبك صدق المشاعر |
اختي الغامديه مايدور بيننا من مثل هذه القصص منتشره بين كبيرات السن
فلا يكاد بيت يخلو منهن الله يحفظهن لنا ويطول اعمارهن شكرا لك صدق حياك الله جبرت الخاطر بمرورك |
صح لسانك يا عقاب
قصة غاية في الروعه يا كم سمعنا بقصص السعالي هل السعالي موجودة الحين والا مجرد اساطير |
موجوووووووووده بكثره
خخخخخخخخخخخ اساطير اخوي شكرا على المرور |
تصفيقمشكووووووووووووووووووووور ماااااقصرررررررررت
|
ابو الوليد الغامدي
قول آمين .. الله يرضى عليك دنيا وآخرة ويرحم جدتك رحمة واسعة ويغفر لها ويسكنها فسيح جناته .. قصة رائعة تحكي طيبة اهل ذاك الزمان ثقافتهم ونظافتهم وطيبتهم وروعتهم وصدقهم رحم الله ذاك الزمان واهله |
الله يا ابو الوليد كم انت مميز ايوه ياخي كذا القصص الي الواحد وده يقراء وينبسط ويقول يا ذااك الزماان ماشـي كمااه والله
تقبل مروري فديتك |
| الساعة الآن 06:22 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع