لوخيال الطفل عانق قلب شايب=كانت عينه قبر واهدابه نصايب
ولو جموح الشوق تثنيها العقايب=مابكت عين القريب على القرايب
ولو تجلت فوق الامتان الذوايب=كانت اللهفات والحرقه ضرايب
غير لو داعب شعرها كف خايب=لاعجب مادمت في وقت العجايب
ولو تهز العاطفه قلوب الحبايب=شدت اقلوب المحبين الركايب
والليالي ماتضي والبدر غايب=ولا تعوضه النيازك والشهايب
ولو من اجيوش الهوى تزحف كتايب=تهدم الاصوار وتفرّق كثايب
ولو صفي ود القلوب من النوايب=مايشوبه من غثى الدنيا شوايب
ولو تشب النار وتثور الحرايب=ماماتورّث للعباد الا المصايب
والمحبه تنهب العاشق نهايب=والمحب اتولّع اشواقه لهايب
وبه قلوبً في نواها الحب ذايب=وبه قلوبً خاليه مثل الخرايب
والربيع يغني الحان السحايب=والورق يرقص على عزف الهبايب

.................................................. ........
شكرا لك ياالعالم المثالي على مرورك الطيب واطرائك الجميل
وشهادتك لي اعتبرها تاج على راسي ووسام من الدرجه الممتاز
شرفت قصيدتي المتواضعه بمرورك الرائع يارائع

.................................................. .................................................. .
حىالله الغامديه شرفتي قصيدتي المتواضعه بمرورك العذب الكريم
ولاعندي الا بعض ماعندكم من الابداع ومنكم استفيد واتعلم
لك مني خالص الشكر والتقدير