سلام يامـن شيـد بقلبـي منـارات وقصـور = سـلام عـد المزنـة اللـي ينهمـل همالهـا
سلام واثني السلام لكـل غايـب والحضـور = اللي حضـر للامسيـة واللـي بعـد ماجالهـا
بسم الله ابدي وابدي اللي خافين وسط الصدور= علوم لـو فاضـت بحـور الكـون ماتشتلهـا
شـي لـه ايـام قديمـة غافـي الا دهــور= تعبـت اداري بالهمـوم اعراضهـا واطوالهـا
واصبحت مثل الارض فيها عالم(ن) كثر وتدور= تقوى على شيل الخفاف ولا ارجحـت بثقالهـا
انهار حزن وغابة الالم(ن) ومحميـة غـرور= تخيـل الانهـار والغابـة وكيـف احوالـهـا
ومحيط حب وبحر هادئ ماظهر مثلـه بحـور = مايعرف الامـواج ودروب الغـدر مـا دلهـا
يزحف على الشاطى بلطف ويمتلك احلى شعور= يضـم كثبـان الرمـل وبكـل شـوق يبلهـا
يعانق انسام الصباح ويروي انفـاس الطيـور = وتقبّله ذيـك السحـاب ان كـان ربـي فلّهـا
وتمر به شمس الصباح بقيضها واقسى عبـور = تبلغة فـي كـل يـوم وكـل مطلـع وصلهـا
بعكس نجم اللي حين الصبح ينوي بالضهـور = تهل دمعات الحـزن والضيـم لا اقفـى ليلهـا
هذا البحر يالله دلـه لا بـداء وقـت النشـور = اتظلـه بظـل الغصـون اللـي يظلـل ظلهـا