أكاديمـيـة العرضـة الجنوبيــة - ربـاع

انخرشت في عقشه هذا موقفي اليوم

ففي سنه من السنين وفي شهر من شهورها وهو شهر10/وفي اليوم الثالث اي ثالث العيد المبارك
وتعرفون العيد الواحد ماياتفت جهدا عشان الكشخه ماتخرب ويضلي رزهـ (يعني غله )المهم بعد الزيارات التي ماتنقطع ايام العيد الأولى قلت ياولد اليوم ثالث العيد خلنيه اندر الوادي اتمشى شويه وافكك عن نفسيه واغير جو وتكايه اليام كان الجوا فيها كويس ويقدر الواحد فيها يتحرك ويغدي ويجي . التقطت عمريه واندرت الوادي المقابل للقريه وكان الوقت تيك الحزه يمكن ضحوه اعني قبل الضهر بشويه وانا نادرن طول المساريب وانا اتلفت يمين ويسار شفت عقشه مهطله مثل التوت حمرته يهول الهايلين والعقش دايم ما يحقل الى في اطراف الركايب والربعان قصيده هههههههه وانا ماهلا شفتوها وضلا لعايبيه سايلن قلت ياولد والله مغدي من جوفها صدقن لقيتوها::msn-wink:المهم كلت من طرفها كلت من طرفها الا وشي خصله مثيل واشنهيه تيك الصابه وسطها قلت ياولد كيف ااااجيبها . والواحد لابغا يسوي حاجه لازم يفكر ويخطط عشان ينجح فكرت وخططت::sadwalk: وشي كعموره من عثربه تخالط العقشه يعني وسط العقشه لان العثرب يحقل مع العقش وانا احط ارجوليه اعزكم الله فوق الكعموره واهزها عشان اختبرها هيه قويه والا لا وهزيتوها مرتين وثلاث ولم تتزحزح من مكانها وقلت ذاحين اااخذ الخصله وانا مرتاح وطيت كراعيه وادنق ادنق اااااااادنق وخرشششششششششششششششش
جوف العقشه ولا ووقعت الا اسفل الركيب والكشخه راحت.. العمامه علو العقشه القبعه وسطها والثوب غدا تناتيفن وانا بغيت اغدي اوصال تملخ ضهريه وجنبيه تصلخ . وتعال شوف شكلي عاد ارجولن فوق وارجولن تحت وراسيه منكسن
واااصيح بقوتيه ضلى الوادي له صهلله من جغاري وصياحيه :nosweat:مادريت ان الناس رقادا تيك الحزه وضلى قلبيه يخطف وجسميه يتنافض من الخرعه . واتسلبا واخرج بخلقه تخرع بعد ماكنت مرتزن غديت كما الجني اخرع ماسكن واقوم وانكت ملابسيه وقلت الله يستر لاحد يشوفنيه بتاالخلقه واطلع ااااخذ العمامه.. اما القبعه فراحت من الخساير الماديه تركتوها جوف العقشه وكان الله منها تمشيه .,,,,,,
واتقليت عمريه وطلعت من الوادي ولامن شاف والامن دري الايومكم هذا ******
اوصيكم حق الناس حيلوا عنه
ودمتم سالمين/ صالح الكردشي