|
محاوره شعريه على شبة النار وصفر الدلال
محاورة شعريه بين الشاعرين (( بدر البدور )) (( ليل الوعد )) البدع الأول ـــ بدر البدور لـيـل الوعـد يا جعل ربـــي يخليك النـور نـورك والعطـاياء عطـاياك شعرك وميـزتـه وصـوتك يحلــيك عقـبال مصبـح يــوم وسـعد بلقياك ويا جعل يـوم الشـر فيـني ولا فيك لا غبـت بـفـقد لك ولا جيـت حياك الرد الأول ـــ ليل الوعد يا مرحبا يا بدر والبدر اسمك وطاريك وريح العطر يا بدر منطوق دعـواك أنـت الهنـا والعـز دائـم يناديـك ودار السعد دارك وعـزك ومربـاك وبسم الغلا يا بـدر نعـزك ونغليـك وبعطر الوفاء والعز عطـرت دنيـاك .................................................. ........... البدع الثاني ـــ بدر البدور ليل الوعد رحب !! عسى الله يبقيك ياحلوهــا لحــظه تــلاقيــت واياك المنتدى نــور بــشوفــت معـــاليك ترحيبي أجـمــل منطـقتــبه شفاياك سلام لك مــن شخـص مالقلب يغليك ماعاش مـن سيـل دمـوعــك وبـكاك الرد الثاني ـــ ليل الوعد ريح الخزامى وعطرها من أياديك وزهر الندا وريحة المسك يمنـاك صوتك شبيه الغلا والحى يحييـك ودرب الوفاء والعز والطيب ممشاك هات القلم واكتب معانـى توفيـك انت البدر والنورمطلعه من محياك .................................................. ......................... البدع الثالث ـــ بدر البدور أزعل وترضيني وتزعل واراضيك احبـاب!!! توصيني وانفذ وصاياك تحميني أبسيفك من الخصم وأحمـيك واحكي وتسمعني وأنا اتسمع حكـاك واخاف امد الكف واسقيك وارويك وبكـره تخـلينـي مـن أول ضحاياك الرد الثالث ـــ ليل الوعد ليه الزعل يا نور عينـى يعافيـك وانت الرضا وغاية القلب وهواك اسمع كلامك وتطربنـى غناويـك منى قسم لرضيك وانسى انا انساك مير البلا ء طبع الهوى لو يرضيك حاكم على أمره وللحيـن يفـذاك .................................................. .............................. البدع الرابع ـــ بدر البدور أنت القلم !! حاظرك يشبه لماضيك وبعد تشوف الخير لـو ربـي احياك والله مـ أبـيـعك وبالـروح شـأريك وأن بعتــني مانـي بجــاي اترجاك وأترك قصيف النفس غيره يسـليك الزين قبلك والله اشـقاك واعـمـاك الرد الرابع ـــ ليل الوعد اشبهك بالـروح وروحـى تناديـك بدر الغلا والوفـاء مـن سجايـاك أمر تدلل و مالـى حيلـة ن فيـك صوتى سمعته يا بدر وصوتى تعداك خلك وليل الوعد محـد ن يعاديـك واسرى معى بالليل يا زين مسراك .................................................. ............................... تكملة القصيده من بدر البدور ماهـو زعـل راضـي بـمرك وحاليك لأكـن شـفـت الحـب بهـذلك وأشقاك جيت اشغلك ياخوك عـ الحب والهيك وأرتاح في قـربك وشوفــك ولامـاك مير البــلاء قلبــك عسى الله يشفيك شف حب قلــبـك وين يالــيـل وداك أمشي على وضح النقى جاي أوفـيك ماجيت ودي أحكمـك وأمـرك وانهاك صفـر الـدلال وشبـة الـنار تكــفيك ولا تصــــدق هــرج هـــذا ولا ذاك وأنا يكفــيني مـن الـشـعر اجــاريك ومحاورة بعض الرجاحـيــل شرواك |
عسااااااااااكم عل القووووووووة اخي
|
صحت السنتكم وابدانكم ياالنشاما
|
أمير القلوب الله يعطيك العافيه ولك جزيل الشكر والتقدير على المرور والتعليق |
علي السبيه صح بدنك يالغالي وشكراً على المرور والتعليق وعساك على القوه |
| الساعة الآن 07:19 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع