أكاديمـيـة العرضـة الجنوبيــة - ربـاع - رحلتي الى تركيا شتاء 2008 / صور + فيديو ا

http://www.noor-elshams.com/photo/tr...2008/salam.gif

أحبتي اعضاء مجموعة نوآف بيك البريدية

آخيرا وصلنا للتقرير الأخير لرحلتي لتركيا شتاء 2008
هالتقرير فيه صور اكثر لانه الأخير فـ اتمنى لكم وقت
ممتع واللي مايحب يقرأ التعليقات اتمنى صوري تعجبه

واللي ماتابع الأجزآء السابقة يلقاها هنا :

رحلتي الى تركيا شتآء 2008

.. { الجزء الأول } .. { الجزء الثآني } .. { الجزء الثآلث } ..

اليوم السابع لنا في اسطنبول وثاني ايام العيد ماقدرنا نطلع
في رحلة مثل ماخططنا فبقيوا امي و ابوي في الفندق وحنا
قضينا اليوم تسوق و في طريق رجعتنا مريت محل حلويات
في السوق واشتريت قاتوه لانه يصادف يوم ميلاد ولد اختي
شفنا هذي الكيكة عجبني شكلها :

http://www.noor-elshams.com/photo/tr...2008/a4/a1.jpg

لكن اشترينا هذي وكان طعمها مررة يمي

http://www.noor-elshams.com/photo/tr...2008/a4/a2.jpg

رجعنا الفندق
وقررنا نشوف امكانية حجز ونمدد رحلتنا 3 ايام في الصباح
استأجرنا باص و رحنا الى حديقة تعودنا نزورهـا بكل رحلة
وكان الوقت ظهر والجو بارد كثير وراح ولد اختي يبي يصيد
وقبل نوصل للحديقة مرينا في طريقنا على منطقة ورتاكوي
ولقينا فيها فندق الراديسون ساس اللي كنا نبي نحجز
فيه لكن المكتب السياحي قال ابدا مافيه راديسون ع البحر

وبالصدفة ومن زود حظي الحلو شفت ( ملاحات ) اللي
تابع سنوات الضياع اكيد يعرفها الشينة ام كشة !!
قلت لنفسي يعني يوم شفت احد منهم طلعت هذي !!

المهم وصلنا الحديقة

http://www.noor-elshams.com/photo/tr...08/a4/park.jpg

الحديقة موقعها حلو بين الجسرين المعلقين وسابقا ماكان قدامها شيء

http://www.noor-elshams.com/photo/tr...8/a4/park2.jpg

لكن حاليا مدري وش جاهم وفيه قدامها سفينتين كبار خربوا منظر البحر منها

http://www.noor-elshams.com/photo/tr...8/a4/park3.jpg

جلست اتمشى في الحديقة ورغم ان الشمس قوية لكنها باردة

http://www.noor-elshams.com/photo/tr...8/a4/park1.jpg

هذا الصورة من اسفل الحديقة

http://www.noor-elshams.com/photo/tr...8/a4/park4.jpg

http://www.noor-elshams.com/photo/tr...8/a4/park5.jpg

الشيء المميز واللي لفت انتباهي في هالزيارة من اول مانزلنا من المطار
ان كل الحدايق العامة اللي مرينا عليها على البحر او في المدينة كلها فيها
العاب رياضة متكاملة وجديدة ( حسرتي علينا ممشى ويعدونه علينا وكله حفر )
يعني طبيعة وجو حلو ومكان مفتوح للمشي والرياضة ياسلام

http://www.noor-elshams.com/photo/tr...8/a4/park6.jpg

هنا العاب الاطفال

http://www.noor-elshams.com/photo/tr...8/a4/park7.jpg

اعجبتني هالشجرة يائسة وسط الحياة والطبيعة

http://www.noor-elshams.com/photo/tr...8/a4/park9.jpg

هذي الممرات اللي كنت امشي فيها

http://www.noor-elshams.com/photo/tr.../a4/park10.jpg

هذي صورة من آخر الحديقة اخذتها في مكان هادي جدااااا

http://www.noor-elshams.com/photo/tr...8/a4/park8.jpg

لقيت فيه سور لنهاية الحديقة ومنه اقدر اشوف البحر
من جانب السفينة اللي كانت راسيه فاخذت كم صورة

http://www.noor-elshams.com/photo/tr.../a4/park11.jpg

هذي الكلية الحربية في الجزء الآسيوي منظرها بالليل رائع جدا مع الاضاءه

http://www.noor-elshams.com/photo/tr.../a4/park12.jpg

اخر شي دقوا علي اهلي وقالوا ياللا مشينا ذبحنا البرد وهذا طريق رجعتي

http://www.noor-elshams.com/photo/tr.../a4/park13.jpg

وهذا ملف فيديو للي يحب يشوف الحديقة بالصوت والصورة :

لحفظ الملف اضغطوا على الصورة بيمين الفارة وحفظ الهدف باسم :

http://www.noor-elshams.com/photo/tr...008/a4/wmv.gif

حجم الملف : 6.3 م.ب

طلعنا من الحديقة ورحنا لمكتب الخطوط الاردنية ولكن للاسف كان
مغلق وتبددت محاولتنا لتمديد الرحلة وضاع منا وقت فقررنا نستغل
مابقى لنا من اليوم وكان بخاطرنا نروح بازار من البازارات الشعبية
ولكن ضاعت منا ساعه ونص على الفاضي لانهم مقفلين لـ اجازة عيد .

فقررنا نروح السوق المسقوف نشوف المحلات الخارجية اذا فاتحة
بـ نشتري بدلة لولد اختي عل وعسى تكون بعض المحلات مفتوحة

http://www.noor-elshams.com/photo/tr...8/a4/grand.jpg

.. للمعلومية ..

اذا احد يحب يشتري بدل رسميه بيلاقي في هذا السوق جميع المقاسات
وبعد عندهم زي احنا صراحة ماكنا نعرف ليش يلبسونه لكن شكله حلو
ومتوفر بجميع المقاسات بعد يلبسونه للاولاد والكبار بمناسبة ( الختان )

غالبية المحلات الخارجية في السوق مفتوحة لكن ابواب السوق ومحلاته
الداخليه بالكامل مغلقة بسبب ايام العيد و اجازة السوق الاسبوعية الاحد.

هذي صورة لمحل يبيع البهارات والتوابل وبعض التوابل والخضار المجففة

http://www.noor-elshams.com/photo/tr.../a4/grand2.jpg

وهذي صورة للحلوى التركية ( لوكوم ) سعرها رخيص هنا لكن مايغلفونها
ويعطونك اياها في اكياس والنوعية ليست ممتازة فما اشترينا منها

http://www.noor-elshams.com/photo/tr.../a4/grand3.jpg

على ماخلصنا و حصلنا بدلة لولد اختي كان وقت العصر في اخره
طلعت لفت انتباهي هالبرج صورته وعرفت بعدين ان اسمه برج غلطة
وهو من المعالم السياحية في تركيا ولكن مازرناه .

يقدر ارتفاعه بـ 61 متر ويقع على تلة في منطقة غلطة ويمكن
رؤية البرج من اي مكان في اسطنبول ويستطيع السياح الصعود
الى قمة البرج عن طريق السلالم وعددها 143 درجة .
كان يستخدم البرج في العهد العثماني كسجن ومخزن ومركز
للكشف عن الحرائق و فنار وقد اعيد ترميمه اكثر من مرة .
ويوجد مطعم في قمة البرج حاليا يمكن مشاهدة اسطنبول منها

http://www.noor-elshams.com/photo/tr.../a4/grand5.jpg

وهذي صورة ثانية للمنطقة وللمعلومية يكثر فيها الحمام
بس انا صورة هالجهة والحمام متجمع بالجهة الثانية

http://www.noor-elshams.com/photo/tr.../a4/grand1.jpg

وانا واقفة انتظر اخواتي يجون شفت هالمنظر طيارات نفاثة مرت بسرعه
اعجبني المنظر فصورتها

http://www.noor-elshams.com/photo/tr.../a4/grand4.jpg

صار الوقت قريب المغرب وكنا نبي نروح الجزء الاسيوي لمنطقة جامليجا( جبل العرائس )

http://www.noor-elshams.com/photo/tr.../a4/grand6.jpg

ونمر فوق الجسر عشان يشوفه ولد اختي ولكن نصحنا السواق اننا مانروح بهالوقت
لانه زحام شديد ويمكن ناخذ ساعتين في الطريق ومانوصل وبيكون قفل المكان علينا
وفعلا طلع كلامه صحيح لكن بعد ماصممنا نروحه من اللقافة http://www.noor-elshams.com/vb/images/smilies/smile.gif

وهذي صورة لبيت لفت انتباهي لونه واحنا بالزحام فصورته :

http://www.noor-elshams.com/photo/tr.../a4/grand7.jpg

بعد ما ضيعنا ساعه زمن وحنا ماوصلنا ربع الطريق فقررنا نرجع ونروح اي
مطعم نتعشى لان الدنيا صارت ليل واقترح علينا السواق مطعم يقول راقي
وممتاز ورجعنا لنفس المكان اللي تحركنا منه قبل اسم المطعم : ( زنهان بيت الكباب )

هذا موقع المطعم على الانترنت :

.. Zinhan ..

http://www.noor-elshams.com/photo/tr.../a4/zinhan.jpg

مدخل المطعم من تحت كله محلات ساعات لارقى الماركات العالمية
وبتشوفون شعار رولكس وش كبره على المبنى ماتفكرون ان فيه مطعم

ركبنا المصعد وكان بالفعل المطعم جدا موقعه ممتاز واطلالته رائعة
وهذي صورة للمنيو صورتها تبين الاطلاله احلى

http://www.noor-elshams.com/photo/tr...a4/zinhan0.jpg

هذي صالة المطعم الشتوية لان التراس مقفلينه عشان البرد

http://www.noor-elshams.com/photo/tr...a4/zinhan1.jpg

المطعم اسعاره غاليه عن غيره بس بجد اكله لذيذ جدا جدا وموقعه ممتاز

http://www.noor-elshams.com/photo/tr...a4/zinhan2.jpg

يمكن الاكل مايشبع الجوعانين والدبيين .. المهم طلبنا طلباتنا.
للامانة اللحوم في هالمطعم اول مرة اذوقها بهاللذة لانها طازجة بجد

الخبز + الموية تعتبر سيرفيس يقدمه المطعم وياخذ عن كل شخص
2 ليرة مقابلهم سواء تركي او سائح .

http://www.noor-elshams.com/photo/tr...a4/zinhan3.jpg

السلطة

http://www.noor-elshams.com/photo/tr...a4/zinhan4.jpg

اللحم بعجين مثل مايسموه او صفيحة اللحم مرة مرة لذيذ
ورق العنب بعد طعمه مرة لذيذ واللحوم كلها طازجة

http://www.noor-elshams.com/photo/tr...a4/zinhan5.jpg

المطعم متخصص في الكباب وفيه انواع كثيرة فطلبنا كباب
واوصال صغيرة وكلهم طعمهم كان لذيذ جدا

http://www.noor-elshams.com/photo/tr...a4/zinhan6.jpg

اخر شي البرد ماخلانا نجلس يادوب تعشينا وطلعنا وحنا طالعين
صورت ولد اختي مع الخباز وبعدين اخذت صورة له لوحده وطلعنا

http://www.noor-elshams.com/photo/tr...a4/zinhan7.jpg

قبل ننزل مشيت شوي بالتراس وجلست اصور اطلالة المطعم
وهذا مسجد السلطان احمد اللي صورته العصر يوم دخلنا السوق

http://www.noor-elshams.com/photo/tr...4/zinhanv2.jpg

وهذا المسجد اللي صورته ومرت من جنبه الطائرات قبل المغرب

http://www.noor-elshams.com/photo/tr...4/zinhanv3.jpg

وهذي صورة الجسر اللي صورته في الرحلةا لبحرية ومن نفس
المكان طلعنا في الرحلة البحرية يوم العيد في الجزء الثالث

http://www.noor-elshams.com/photo/tr...a4/zinhanv.jpg

وهذا ملف فيديو تبين فيه صالة و اطلالة المطعم :

لحفظ الملف اضغطوا على الصورة بيمين الفارة وحفظ الهدف باسم :

http://www.noor-elshams.com/photo/tr...008/a4/wmv.gif

حجم الملف : 2.8 م.ب

تحت المنطقة رائعة جدا للاسف اخواتي مشوا فيها وانا رحت الباص
المنطقة كلهم بياعين سمك ومأكولات بحرية لكن يقولون اخواتي
منظر الاسماك والمحلات رائع للاسف ماعندي الا صورة من جوال اختي

http://www.noor-elshams.com/photo/tr...a4/zinhans.jpg

وهذا ملف فيديو للي يحب يشوف المنطقة صوت وصورة :

لحفظ الملف اضغطوا على الصورة بيمين الفارة وحفظ الهدف باسم :

http://www.noor-elshams.com/photo/tr...008/a4/mpg.gif

حجم الملف : 1.9 م.ب

كملنا طريقنا الى الفندق ورتبنا اغراضنا وفكرنا لو نحاول الصباح نشوف امكانية
حجز نمدد الرحلة لاننا ماتمشينا واخر شي قلنا خلاص مالنا نصيب واستعيدنا للسفر
وبعد ماخلصنا قررنا انا واخواتي وولد اختي ننزل نتمشى لآخر مرة في
شارع الاستقلال وكان يومها الجو مو برد !! الا صقيع جمدنا بقوة
تدفينا زين ونزلنا نتمشى وصورت لكم كم صورة وملف فيديو بعد

هذي ملف فيديو لواحد من المطاعم اللي ناخذ منها كل يوم

لحفظ الملف اضغطوا على الصورة بيمين الفارة وحفظ الهدف باسم :

http://www.noor-elshams.com/photo/tr...008/a4/mpg.gif

حجم الملف : 1.7 م.ب

هذا ملف فيديو عند محلات الشاورما اللي صورتها من قبل الوقت
تقريبا الساعه 1.5 بالليل بس الشوارع والحياة كانك بوقت أبدر من كذا .

لحفظ الملف اضغطوا على الصورة بيمين الفارة وحفظ الهدف باسم :

http://www.noor-elshams.com/photo/tr...008/a4/wmv.gif

حجم الملف : 4.2 م.ب

وآخر شي رجعنا الفندق ويعيب على الفندق سنترال بالاس ان الجادة
اللي هو فيها مظلمة باول الليل نوعا ما واخر الليل مظلمة بالكامل !!

http://www.noor-elshams.com/photo/tr...4/cenrtal0.jpg

طبعا انتم ماشفتوا صور الفندق من قبل خليكم معايا

في التقرير اللي رآح قلت اننا نقلنا فندق سنترال بآلآس 4*

اسعار الاقامة في فندق سنترال بالاس 4*

الغرفة العادية { 550 ريال مزدوجة في الليلة لشخصين }
جناح اكزكتيف { 700 ريال في الليلة لشخصين }
مع الفطور بوفيه

وهذي صور الفندق من الخارج :

http://www.noor-elshams.com/photo/tr...a4/cenrtal.jpg

المدخل جدا صغير ومتداخل في بعض وهذي صورة للريسبشن:

http://www.noor-elshams.com/photo/tr...4/cenrtal1.jpg

وهذا ممر ياخذك للمصاعد وصالة التلفزيون والانترنت :

http://www.noor-elshams.com/photo/tr...4/cenrtal2.jpg

هذي صالة التلفزيون :

http://www.noor-elshams.com/photo/tr...4/cenrtal3.jpg

وهذي صالة ثانية وفيها الانترنت مجانا طبعا :

http://www.noor-elshams.com/photo/tr...4/cenrtal4.jpg

http://www.noor-elshams.com/photo/tr...4/cenrtal5.jpg

المصاعد :

http://www.noor-elshams.com/photo/tr...4/cenrtal6.jpg

هذا مدخل الغرفة من الداخل وعلى اليمين دورة المياه والدولاب

http://www.noor-elshams.com/photo/tr...4/cenrtal8.jpg

هذي صور الجناح الاكزكتيف :

http://www.noor-elshams.com/photo/tr...4/cenrtal9.jpg

التلفزيون فيه قناة قرآن وقناة دبي و العربية :

http://www.noor-elshams.com/photo/tr.../cenrtal10.jpg

http://www.noor-elshams.com/photo/tr.../cenrtal13.jpg

هذي الجلسة للأفس الصور ماوضحتها زين ولا هي كبيرة

http://www.noor-elshams.com/photo/tr.../cenrtal11.jpg

وهذي نفس الجلسة كذا نشوف منها بقية الغرفة

http://www.noor-elshams.com/photo/tr.../cenrtal12.jpg

هذي صورة الغرفة العادية

http://www.noor-elshams.com/photo/tr.../cenrtal15.jpg

لان الدور عالي 8 كانت فيها شبه اطلاله ع البسفور

http://www.noor-elshams.com/photo/tr.../cenrtal23.jpg

http://www.noor-elshams.com/photo/tr.../cenrtal16.jpg

دورة المياة وانتم بكرامة كلها فيها جاكوزي سواء بالاجنحة او الغرف
وبنفس الشكل ممكن تكون مفتوحة على الغرفة او تقفلونها من الداخل

http://www.noor-elshams.com/photo/tr.../cenrtal17.jpg

http://www.noor-elshams.com/photo/tr.../cenrtal18.jpg

وهذي صورة من داخل دورة المياة للغرفة :

http://www.noor-elshams.com/photo/tr.../cenrtal20.jpg

اعجبتني المغسلة قمت صورتها

http://www.noor-elshams.com/photo/tr.../cenrtal19.jpg

ادوات الحمام :

http://www.noor-elshams.com/photo/tr.../cenrtal21.jpg

في هالفندق ماكان فيه غلاية ماء ولكن فيه 2 ماء مجانا باليوم

http://www.noor-elshams.com/photo/tr.../cenrtal22.jpg

هذي بطاقة الفندق وكارت يعطونه لكل نزيل بعدد ايام اقامته
له كل يوم طبق حلو في الكافيه مجانا وطبعا المشروب عليك لو تحب

http://www.noor-elshams.com/photo/tr...4/cenrtal7.jpg

هذي بعض انواع من الحلويات اللي يقدمونها لاننا كنا 6 نوعنا الاصناف

http://www.noor-elshams.com/photo/tr.../cenrtal24.jpg

http://www.noor-elshams.com/photo/tr.../cenrtal25.jpg

http://www.noor-elshams.com/photo/tr.../cenrtal26.jpg

اللي يميز هذا الفندق ان الميني بار مافيه مشروبات روحية والفندق مايقدمها

http://www.noor-elshams.com/photo/tr.../cenrtal27.jpg

صراحة الفندق كان حلو ومريح الا انه ماريحني في النوم انا واختي وولدها
اول يوم قمت مريضة بالليل وجلست اتالم طول الليل وثاني يوم نويت اسهر
على الانترنت وانا جالسة رفعت راسي شفت خيال انسان كامل مر قدامي
ومشي بهدوء خفت يومها وفتحت كل انوار الجناح ونمت بالقوة وقلت ما بأتكلم
ثاني يوم اختي قالت مخاوفها هي وولدها قمت تكلمت فخفنا كلنا واختي
قالت مابتنام بغرفتها بس وش السواة ؟؟
لان الدنيا ليل قمت انا وياها سحبنا مرتبة السرير حقتهم وجبناها عندنا
وخلينا الغرفة حوسة بعد الترتيب وحسنا كثير الصباح عشان نرجعها

http://www.noor-elshams.com/photo/tr.../cenrtal14.jpg

المهم قلنا يارايح كثر من الفضايح رجعنا المرتبة بسلام وطلبنا ياخذون اغراضنا
وسوينا شيك اوت وكان الهوا بااارد جدا ركبنا الباص وتوجهنا للمطار

وصورت الحدايق اللي على البحر بطريقنا بصراحة حلوة الجلسة فيها
على البحر ومساحات واسعه خضراء وفيها العاب اطفال ورياضة وملاعب

http://www.noor-elshams.com/photo/tr...a4/airport.jpg

الشوارع كانت تقريبا خالية من الزحام وصلنا المطار خلصنا اجراءات السفر

http://www.noor-elshams.com/photo/tr...4/airport1.jpg

وتوجهنا للمصلى والسوق الحرة حتى يجي موعد الرحلة

http://www.noor-elshams.com/photo/tr...4/airport2.jpg

اعجبني هالمحل يقدم كل انواع الحلويات والتحف التركية

http://www.noor-elshams.com/photo/tr...4/airport3.jpg

http://www.noor-elshams.com/photo/tr...4/airport4.jpg

قربت منه وصورت الاضاءة قلت يمكن تفيدني بتصميم بعدين

http://www.noor-elshams.com/photo/tr...4/airport5.jpg

شريت لي عطر وشوكليت كيندر اعجبني شكلها ورولو

http://www.noor-elshams.com/photo/tr...4/airport6.jpg

وهذا ملف فيديو للمطار :

لحفظ الملف اضغطوا على الصورة بيمين الفارة وحفظ الهدف باسم :

http://www.noor-elshams.com/photo/tr...008/a4/wmv.gif

حجم الملف : 1.2 م.ب

تأخرنا شوي والمطار ماشاءالله كبير وصاروا ينادون علينا بالاسم
عشان الرحلة لكن اللي سهل الموضوع المسارات المتحركة ما
امداني اصورها حتى ما اتهزأ ويقولون انتِ وحدة فاضية بتضيع
الرحلة وانت تصورين

وصلنا البوابة وباقي مافتحوها ولكن مدري ليش عجولين الاتراك

http://www.noor-elshams.com/photo/tr...4/airport7.jpg

ركبنا الطائرة واعطاني ولد اختي مقعده بجنب الشباك عشان اصور
وهذا مضيف رحلتنا .. وحنا على الارض يوزعون محارم حاره للركاب

http://www.noor-elshams.com/photo/tr...4/airport8.jpg

بدات الطيارة تتحرك وكان المدرج مليان رحلات فصورت وحدة من
الطيارات وهي تقلع

http://www.noor-elshams.com/photo/tr...4/airport9.jpg

وهذا ملف فيديو لنا وطياراتنا تقلع ونودع معاها اسطنبول

لحفظ الملف اضغطوا على الصورة بيمين الفارة وحفظ الهدف باسم :

http://www.noor-elshams.com/photo/tr...008/a4/wmv.gif

حجم الملف : 1.7 م.ب

اسطنبول من الجو و هذا بحر مرمرة اللي تشوفونه

http://www.noor-elshams.com/photo/tr.../airport10.jpg

هذي جزر الاميرات

http://www.noor-elshams.com/photo/tr.../airport11.jpg

هذي بحيرة مرينا من فوقها والله اعلم انها بحيرة ايزنيك او صبنجة ( غير متأكده )

http://www.noor-elshams.com/photo/tr.../airport12.jpg

وهذي قمم جبال مرينا فوقها وعليها بعض الثلوج

http://www.noor-elshams.com/photo/tr.../airport13.jpg

ماعرفت ايش هالمنطقة بس صورتها

http://www.noor-elshams.com/photo/tr.../airport14.jpg

وهنا منطقة ثانية كلها مرتفعه وعليها ثلوج

http://www.noor-elshams.com/photo/tr.../airport15.jpg

للاسف الصور مو مثل الطبيعه وللحين ماتعلمت اصور بكآمي زين

http://www.noor-elshams.com/photo/tr.../airport16.jpg

وجا وقت الغدا وقدموا لنا اياه بس التفت وشفت منظر طيارات اثنين
مروا الى ماطلعت الكاميرا اصور كانت مشيت وحدة بسرعه والثانية
لقطتها واعجبتني اللقطة لانها جاية مع القمر ودخان الطيارة فحبيتها
وتمنيت لو معايا كاميرا بدقة افضل وقتها

http://www.noor-elshams.com/photo/tr.../airport17.jpg

ولاني انتبهت للقمر في النهار قمت صورته قبل الـ أكل

http://www.noor-elshams.com/photo/tr.../airport24.jpg

اخترت انا وجبة الدجاج مع الرز لكن ماكان لذيذ كثير

بس اعجبني الحلو بالقرفة

http://www.noor-elshams.com/photo/tr.../airport18.jpg

وجبة اللحم ماحبوها كثير بعد

http://www.noor-elshams.com/photo/tr.../airport19.jpg

هذي العاب الاطفال اللي وزعوها كتيب فيه الغاز والعاب
واللعبة حلوة فيها 6 العاب شطرنج و XO و الحية والثعبان
ومدري ايش بعد

http://www.noor-elshams.com/photo/tr.../airport20.jpg

تركنا اليابس وصرنا نمشي فوق البحر الابيض المتوسط
وهذي الصورة اخذتها واحنا نمر فوق قبرص

http://www.noor-elshams.com/photo/tr.../airport21.jpg

نصيحة للي يفكر يزور قبرص يصرف نظر عنها لانها ماتستاهل ولا تناسب العوائل ابد

كنت اتوقع اننا بنمر فوق فلسطين المحتلة مثل رحلة الذهاب ولكن للاسف
مامرينا فوقها لاني كنت ناوية اصور المسجد الأقصى لكن خيرها في غيرها

واخيرا صار الوقت قريب المغرب وبدينا نمر فوق اراضي شهباء نوعا ما
وهذي صورة لنا قبل الهبوط واللي تشوفونها مدينة عمان عاصمة الاردن

http://www.noor-elshams.com/photo/tr.../airport22.jpg

اعجبني منظر الشمس واحنا نهبط مافوتها على نفسي وصورته

http://www.noor-elshams.com/photo/tr.../airport23.jpg

وصلنا مطار الملكة علياء بالاردن حمد لله على سلامتنا
وكان الجو بارد جدا خلصنا الاجراءات واخذنا اغراضنا واخذنا
سيارتنا من المواقف و نزلنا عمان قضينا فيها ليلتين
وبعدها رجعنا السعودية بالسلامة ..

اتمنى ما اكون ثقلت عليكم واعتذر لعدم اضافة صور لاماكن سياحية
كثيرة ولكن مثل ماذكرت سابقا الرحلة كانت للاستجمام فقط وسبق
وزرنا كل هذه الاماكن في كل مرة من المرات الـ 9 السابقة .

ولو تحبون انزل لكم بعص صوري السياحية الصيفية بتركيا للفائدة ماعندي شمكلة http://www.noor-elshams.com/vb/images/smilies/smile.gif

.. اتمنى لكم سفرات سعيدة و ممتعة اينما كنتم ..

المزيد...