ارجوكم دلوني أبى الحل - لأجل أطفالكم واطفالي
 

قبل يومين أخذت ابنتي الصغيرة لمحل بيع ألالعاب - العاب الحسين - واشترت عروسة مغلفة في كرتون ويوم وصلنا البيت فكينا اللعبه وكانت رائحتها غريبه وفاقعه سببت لنا صداع وضيق في التنفس لكافة أفراد العائلة واضطررت لتغليفها بكيس بلاستيكي حتي لاتظهر الريحه وفي اليوم التالي توجهت لنفس المحل وسلمتهم اللعبة وقابلني العامل -- هندي الجنسية - بامتعاض ومستنكر من ترجيعي للعبه وانكر الريحه اللي طالعه منها - يقول هاذي عادي عشان لعبه جديد لازم ريحه -- قسم بالله ثم قسم يالله تماسكت نفسي بالقوة لئن بنتي معي ماابيها تشوفني وانا اتضارب مع هالكلب -- المهم أخذت اللعبة وقلت له ماشي بيني وبينك وزارة الصحة وبلدية الرياض

السؤال هنا لمن اتوجه لمن للبلدية أم لوزارة الصحة علماً انني محتفظ باللعبه ومغلفها عشان ريحتها ماتطير --- يعني عندي الدليل --- انتظر توجيهكم

فأن لم تنصفني هالجهتين فقسم بالله لاأنصف نفسي بنفسي من هالمحل والعمال اللي هم فيه

أول شيء الأخ غليل : السلام عليكم ورحمة الله وبركاته

ما عندي خبرة في هاذي المشكلة لكن ممكن تدريجيا بالكلمة الطيبة :
تطلب من الهندي يغير لك اللعبة بواحدة ثانية غيرها وتشوف هي مثلها
وإلا تختلف ، إذا تختلف تقول له غيرها لي هاذي ماهي كويسة .

إذا هي نفس الرائحة ، ممكن بالكلمة الطيبة تقول له عطني فلوسي
وتحاول معاه ، إذا رفض يعطيك فلوسك ، تقول له : عطني رقم كفيلك
وتتصل بكفيله وتزعجه ، إذا ما رد عليك على شان لا يقول بعدين ما
كلمتني .

إذا كلمت كفيل الهندي : تقول له يا أخي جزاك الله خير ، السالفة كذا
وكذا وكذا ، والآن الهندي ما هو راضي يبدل اللعبة ولا راضي يعطيني
فلوسي ، وإذا ريحتها اللعبة خايسة يمكن مخزنة قله هذا الكلام ، قله
يمكن اللعبة مخزنة في مخزن فيه فيران بعدين ينقل أمراض للناس
ياخي تعال وشوف الكلام بنفسك على شان تصدقني .

لما يجي صاحب المحل ، إن شاء الله تعالى يبدل لك اللعبة ، وقله يمكن
الهندي مطلعها من مخزن فيه فيران ميتة ، تنقل الأمراض للأطفال جزاك
الله خير .

يمكن يمكن صاحب المحل يبدل لك اللعبة وإلا أحسن شيء خذ فلوسك
منه ، إذا رفض وعيا ، لا تهده ، على طول على البلدية على أكبر مدير
وقول له نفس الكلام ، وهو قصة مخزن الفيران الميتة اللي تنقل أمراض
للأطفال في ألعابهم وغن شاء الله تعالى ينصفك هذا المدير المسؤول .

وسلامتك : غليل .

أخوي الموج قسم بالله جربت معه نفس نصيحتك وقلت له غير اللعبه ورفض وجاب لعبه ثانيه جديده زي اللي أشتريتها وفكيناها وطلعت فيها نفس الريحه وقسم بالله العامل اللي ساعدني بتوصيل اللعبه نفسها حقت بنتي للسيارة قال لي هاذي صناعه صيني كلها مشكله أقسم بالله هاذا ماحدث واللي ماتعرفه أن الكلب الهندي حاول يخبي الكرتون اللي جبت فيه اللعبه عشان ماأمسك عليه دليل ويوم قلت له جب كرتون اللعبه أنقلب وجهه وتغيرت ملامح وجهه قسم بالله هاذا اللي حصل بيني وبينه الله يبليني أذا بتبلاه

قدم فيهم شكوى

والله صاير حق المواطن مهضوم

هلابااخوي امير القلوب الله يسعدك علي المرور


أخوي الموج الكفيل هو شركة ألعاب الحسين انا ماراح اكلمه لئني قدمت شكوي رسمية بالدليل القاطع وجاري تحليل اللعبه من قبل صحة البيئة بامانة مدينة الرياض ووعدوني يعطوني النتيجة الاسبوع القادم بأذن الله

بيض الله وجهك أخوي رياض rolleyes:علي تجاوبك الرائع اللذي أخجلني وهذا ان دل دل علي كرم أخلاقك الرائعه وانا فعلاً فتحت الرابط وسجلت الشكوي وارسلتها ويارب ألقا منهم تجاوب

الأخ رياض بن سعيد البشيري : جزاك الله خير على قدمت والله يعطيك العافية والصحة اللهم آمين يا حي يا قيوم .