يازين ياللي زاد عن كل مزيون=معذور من قال القمر وانته اخوان
القلب هايم في هواكم ومفتون=ملكتني باالحسن يا عود ريان
لك في خيالي رسمةً كلها افنون=ياالرسمه اللي حيّرت كل فنّان
الحسن آيه صاغها خالق الكون=هي ذروة الابداع والوصف فتّان
يغدي لبيب العقل تايه ومجنون=والشوف يسرح في مواريه حيران
ملكت قلبي واصبح القلب مامون=مامون مايلحق هواه اي انسان
في مملكة حبك منعّم وممنون=لك ياالذي بين المزايين سلطان
اسيرك المعتوق ساجن ومسجون=مافك قيد الحب حارس وسجّان
الشوق نضره تدمج اعيون واعيون=والحب له فيها دلايل وبرهان
سهم الغرام اللي به القلب مطعون=وانت الدوى يازين في كل الاحيان
حبك نغم واشواق قلبي يغنون=تعزف على اوتاره طواريق والحان
ماني مصدق هرج عاذل ومغبون=والعذل ياكم له من اللسان واللسان
على الرضا والحب وابليس ملعون=ونعوذ باالرحمن من كل شيطان

وما أزين من الزين الا قصايد علي السبيه

صح لسانك وقلبك ياأستاذي وتاج راسي

الله يسعدك

صح لسانك وسلم بنانك ..لاهنت
كتبت اجزل الابيات
وسطرت اروع الكلمات
قصيده تقطر عذوووبه مااجمل هذا الاحساس الذي وجدته هنا ...
وجودي في متصفحك ليس للاطراء بل للارتواء من الشعر الاصيل والعذب ..الله لا يضرك ..
المعذره لم اجد كلمات تفي او توفي بحق هذه النصوص الرائعه ...