العطر نسنس قلت ما هو بمعقول=هذا الشذى من فين هبت ذواريه
عطَّر صباحي قلت يا حي هالزول = اللي على الطيبه يمارس مباديه
وجانا المسا وقلت باهديك مرسول=على جناح الشوق لا جاك فاقريه
ما فيه هرجٍ مثل ما قيل معسول =فيه الوله والشوق والود والتيه
لا زال حبل الوصل بالود موصول = وإن كان هجرك باينات ٍ مواريه
ما هو بشرط إن الهوى فيه محصول=ولا هو بشرط اللي نوده نلاقيه
لكن شرط الود نبقى على طول = نذكر بشوق اللي نوده ونغليه
ونعيش في ذكراه ونصول ونجول =ولا يلحقه منِّا عتاب ومشاريه
عذر المفارق عذر ما هو بمقبول =وإن استحال الوصل فالود نبقيه

تقبلوا تحياتي

أخوكم

سعيد الغامدي

ماهو بشرط إللي نوده نلاقية
لكن شرط الود نبقى على طول


الله مبدع أخي سعيد الغامدي ولا هنت

تقبل مروري وشكري لكsafaqah