|
قلي صبح الشعاع اللي طعن ليل العناد وراح
صباح الخير ! قلت الحمد لله وش صباح الخيـر=قلي صبح الشعاع اللي طعن ليـل العنـاد وراح قلي صبح الفراشات الجميلـه والنـدى والطيـر=قلي صبح الكحل لا سال من خد الحبيب وسـاح هلا بك كثر ما صارت حياتي في وجودك غيـر=هلا بك كثر مافي القلب من هم وتعـب وجـراح مع هيبة حضورك كن في صدري حوادث سيـر=الى قامت شراييني تهلـي بـك وريـدي طـاح أنا ماني بخير وزارني حرفـك وصـرت بخيـر=على ضفة حنينك قلبـي المنهـك جلـس يرتـاح أمانه لو جفانـي الشعـر والا خاننـي التعبيـر=خذي حزن السنيـن وذوبيـه بعطـرك الفـواح أنا مهما كتبت مـن الشعـور أحـس بالتقصيـر=وأحس اني سريتك في ظلام ولا معـي مصبـاح انا جهزت لـك دلـة غـرام ولا أقبـل التاخيـر=تعالـي وأشربيهـا لا يفوتـك هيلهـا لا فــاح وانا بجلس هنـا واحـاول القـى للغـلا تبريـر=وبسأل كيف عينك نهل صافي والرمـوش رمـاح صباح الخير ! طيب ليش ما تصبح مساء الخير ؟=عشان آعيش نكهات الكـرز والتـوت والتفـاح |
عساك على القوة
|
بسم الله ماشاء الله
صح لسانك ملايين أشهد بالله إنك شاعر وشهادتي فيك مجروحه ياشيخ ياليت يتعلمون منك اللي يكتبون قصائدهم اطلعت على بعض قصائدك ووجدت ان شعرك يحوي كل ماتحمله كلمة شعر وصف وخيال وسجع وما إلى ذلك ..... استمر الله يحفظك |
صح لسانك يا الهجير ملايين
|
اقتباس:
هلا بك أسعدني تواجدك وطيب ردك شرف لى ان ينال ما اكتبه رضاك |
شاعرنا الكبير الهجير قلائل من المبدعين يهزون المشاعر بابداعاتهم وانت لست مبدعا فقط بل ساحر
صباح الخير ! طيب ليش ما تصبح مساء الخير ؟ عشان آعيش نكهات الكـرز والتـوت والتفـاح |
صح لسانك ملاييين مبدع اينما تكون لشعرك نكهه خاصه لايجيدها الا الهجير تقبل تحيتي واحترامي |
عجيب انت يابومحمد صح لسانك واعتلا شانك انا من المعجبين فيك وفي قصايدك ممكن الرقمتابعناااا احبك يالمغزول مدري ليش |
اقتباس:
صح بدنك يا شايب قلبك أخضر هاه ؟ |
| الساعة الآن 11:22 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع