انا حمود الاسمري يا بدويه = من صلب داعي الحجر ذبّاحة الترك
وكر الذياب المنيبات العويه = ديار تشرْق بالرياحين و البرك
هذا إختصار لمجملات الهويه = صغته وانا عجلان من اجل خاطرك

ما اطيق كثر الهرج و السب ما اطيق = و اشوم عن فعل الردى و الحماقة
مخلوق لكن .غير كل المخاليق = و شوفً بعيد و للخيال اشتياقة
هذي هروج الجد ما هي تلافيق = شفني نجم متميزً باصطفاقة

نجم في كبد السماء وضّاح مابين النجوم = بيني و بين النجوم الغر عشقً ما ذبل
ان كتبت يفوح عطرً وان حضت احضن غيوم = ساهرً في جنح ليلً لا مزامير و طبل
يروي الهتان ارضي لا هجير ولا سموم = و اتغزّل في نجومً غُر او قِمة جبل

ترى القناعة كنز في بعض الاحيان= و انا قنوع و لا اعترض عالقناعة
هذي قناعة ترجح بكل ميزان = و اهل البضايع يعرفون البضاعة
قولً ثمين و دققوا ياهل الاعيان =و تبقى قنوع إلا اجتنبت الطماعة

إرضاء رب البيت و إكمال ديني=و الستر مطلب ما يجنبه عاقل
ونيل السعادة في رضى و الديني =يوم الهموم بكل صدرً تثاقل
وانحن على علمً عسر و افديني = وش عاد اخبي من هروجً وش اقل

كانت تشبه بالذهب و الماسة = و كان الجمال من الله الوهابي
و اليوم تعرف للبكت و الكاسة=و ذاك الجمال الزايف الكذابي
كم من رجل فالقاع يولج راسة = و ابضاعته في متجر الجلابي
هرجته من تحت القدم منداسة = لو طالت الذرعان و الاشنابي

قول الرجل لو ما توفيه الافعال = حرام يتسمى بأسم الرجوله
ذا قول يفرق غير عن كل الاقوال =مثيل سيلً مكتبر من دقوله
حملً بعنق الرجل ما مثله احمال = و ليات عذرً فالمجالس يزوله

ترى دموع الرجل ما هي ضعافة = و الهاشمي قد هل من عينه ادموع
يوم ابن زينب ناولوه بلحافة = نفسه تقلقل و النبي لاعه اللوع

افز لا جاء طاري الكفو و افيق = ماني سوات اللي عضيده يمله
كفي و كفه فاللوازم معاليق = والله ما اجحد راعي الطيب والله

ياليتني قبرً و اضمك و اداريك = يا من سكن في جوف الاعماق حبه
اسرح مع العالم واهوجس واناديك = يالب شوفك يا كحيلان لبه
ما اشوف غيرك وان تحلمت الاقيك = مالك شبيه لا نوينا نشبه

تعال عذرك فوق راسي و مسموح = خطاي ما جيت اقنعك و اعتذر لك
ترى الهجر و البعد ما منه مصلوح =ولا رجينا يالغلا قطع و صلك
و إلا الخطا يا طيب القلب مدموح = خطاك عندي مثل صدقك و عدلك

صدفني موج ما يرحم وانا اتألم منـه واشـرق=عثى في مركبي ما حـن بعثـر كـل عيدانـي
بعدها قمت متأثر وصـار الحـال مـا يفـرق=قدْر وانا تحـت حكـم الـذي للويـل ودانـي
عسى الله لا يعيد ايام وامـواج البحـر الازرق=وعسى ذاك البحر واللي بجوفة بـات يفدانـي

ماتعرف ان كل شاعر يهيم بكل واد = وانهم دايم يقولون مالا يفعلون
هو كلام الصدق قول الولي رب العباد =عالم اسرار الخلايق ولو وش يصنعون
و القصايد ما هي اجمع ذنوب ولا فساد = حسب منظوم الشعاعير وش ذا ينظمون
و لا بعد ذكر الولي لا نقوص ولا زياد =عنده اخبار البشر عالم ابما ينطقون

اشهد ان امصاحب الكفو عز وراس مال = واشهد ان الكفو يامر و تفداه العيون
انتم اهل الفن و العلم في ايت مجال = وانتم اصحاب النواميس واصحاب الفنون
ان مدحنا ما وفينا وفدنا بأي حال = ما بتوفيكم كثير القصايد و اللحون

يا احمد يبن سوقان يا شامخ الراس = جعل الردي يفدى ثراك و مواطيك
شاعر و لك في داخل القلب مجلاس = تسلم يمين اللي على العز يربيك