|
قصيدتي في عبدالواحد بن سعود
هذي قصيده مدح في شاعر الجنوب عبدالواحد بن سعود
في حفل تكريمه من قبل منتديات أستديوهات الفنون
قبل القصيد أبدا بذكر اللى عيونه ما تنام = الواحد اللى لا دعيته ما يخيب سايله وبعدها لاهل الوجيه الطيبه منى سلام = أهل الشعر وأهل الفكر وأهل اليدين الطايله حنا عرب متعودين ان الشعر حب وغرام = والا ترى عندى كلام ن وسط قلبى شايله ما ودى آضيق صدور أهل المعالى والمقام = أهل الطباع العنجهيه والقلوب الواجله وش صار فى بغداد صبح العيد والعالم نيام = المشنقه والعار واحنا والقتيل وقاتله راس الأسد لو طار ماهو يفتدى روس النعام = ما للنعام الا هجير الشمس وقت القايله ماودى أستطرد عشان الضرب فى الميت حرام = الله يجازى الرمش وعيون الدمار الشامله نرجع لمحور سالفتنا يا احبائى الكرام = نرجع لبستان الفرح وغصونه المتمايله اليوم فى عيد الفنون الله يعيده كل عام = الله يديم الحب والفرحه تجى متكامله تكريم عبدالواحد النور الذى شق الظلام = بينه وبين الشعر قامت مصلحه متبادله شاعر تسامى بالشعر من فوق هامات الغمام = تنقش حروفه فوق صدر الوقت ماهى سايله اذا عزف حرف الفرح غنت له أسراب الحمام = واذا نزف من جرح شفنا كل ورده ذابله هو للجنوب الشاعر الاول وما فيها كلام = هذا اللقب ماهو أنا أو شخص عادى قايله هذى مقولة خالد الفيصل على صدره وسام = يكفيه فخر ان الشهاده من سليل العايله بديت باسم الله وبنهى ما بديته بالسلام = لاهل الشعر واهل الفكر واهل اليدين الطايله |
ابداع من منبع الابداع وفي من يستحق الاشاده واروع الامداح واجلها
صح لسانك ياالهجير ويستاهل شاعر الجنوب عبدالواحد بن سعود |
فعلا يستاهل شاعر الجنوب عبدالواحد مثل هذه القصائد المنبرية الجميلة خصوصا إذا قيلت من المبدعين أمثال الهجير ...
ماشاء الله يا هجير قصيدة فيها قوة سبك وفيها صور و صوت وحركة وتنوع في الألفاظ , وقدرة على التحول السريع من قمة العنفوان إلى قمة الرقة !! بس الغريب في الموضوع انك جبت سيرة صدام وطريقة إعدامه ثم رجعت لمحور اهتمامك حسب ما ذكرت وللغرض الأساسي من هذه القصيدة رغم أن من يمدح كان سيبدأ ربما بغير ذلك إلا أن لذلك مناسبة معينة لديك والله أعلم أو ربما التوقيت هو السبب .... غير ذلك أعتقد أن القصيدة أطول من ذلك ولكنك اختصرتها لنا هنا ... تقبل مروري وإعجابي الشديد بما طرحت أيها الشاعر ...... |
أبيات في قمة الروعه وإبداع جميل ويستاهل الشاعر العملاق عبدالواحد أكثر ...
صح لسانك ياذيبان وعلا شانك وكل عام وأنت بخير....موفق بإذن الله ... لك مني أجمل تحية . http://abeermahmoud07.jeeran.com/621...eerMahmoud.gif |
أخوي الهجيـر : صح لسانك ملايين يا تاج راسي ولا مدحت إلا من يستاهل المدح
الشاعر عبد الواحد أكاديميه منفرده للشعراء جميعا وأخطبوط الشعر الجنوبي وفي قصائده الكثير من المعاني الجديده والأهداف البناءه لصالح المجتمع والفرد وكذلك والمفردات الجديده الجميله الأصيله ولا شك في ذلك ويستاهل أبو متعب كل خير من أهل الوفاء أمثالك ولا هنت أخوي الهجيـر .................................................. .....................أخوك المـوج الجندبي |
صح لسانك اخي الكريم
|
صح لسانك صح لسانك صح لسانك مليووووووووووووووووووون قصيدة راااائعة جدااااا جداااااا جداااااااا من شاعر رائع ولشاعر رائع يعطيك العافية ودمت سيل من الابداع |
صح لسانكـ يا سمي وبيض الله وجهكـ
قصيدة تنومس وترفع الرأس ويستحق ابو متعب هذا الاطراء |
صح لسانك يالهجير ونعم بالمادح والممدوح عبدالواحد بن سعود طريق المجد الذي سار فيه عبدالواحد أراك تسلكه بثبات لك حبي وتقديري |
| الساعة الآن 03:28 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع