|
ملامح غيبتك
شوفي ملامح حزن وجهي كنها وحشة قبور=في وجه حزني من رحلتي صار لغيابك سمه من وقت ميلاد الظلام اللي بصدري مات نور= وانا دفنته في بدايات الغياب المظلمه كسر الخواطر يشتكي همه على ضيق الصدور= وكلما صدري تذكر غيبتك ضاق نسمه لكن تعالي بارتمي بإحساس في حضن الحضور=وامسك يدك وآخذ نفس قربك بصدري واكتمه لك شاعر يكتب لك احساس الالم بين السطور= يكتب بقلبه من حنينه قبل يكتب بقلمه لا شاف نفسه غير عن كل البشر ماهو غرور=ابسط حقوقه دام حبك صار يمشي في دمه الشعر صوت العاطفه في صورة احساس وشعور= تجي به اشواقي ويقفي به غياب الملهمه وانتي غيابك صار يبني في مساحاتي قصور= حتى زواياها من الفرقى حزينه معتمه ترى ندى الأوراق لو جا من بعد موت الطيور= ماهو ندى ! هذاك دمعات الفراق المؤلمه ليت الثواني عند توديعك توقف ما تدور =تروف بأشواقي ودمعي تجمعه وتلملمه غيابك المتسلط اللي راحته قسوه وجور= لو جات له فرصه على رمشي من النوم حرمه أعرف تناقض قسوة الأمواج وأسرار البحور = لكن شوقي وابتعادك صعب وأزريت أفهمه تدرين ليه ابغا ارتمي باحساس في حضن الحضور ؟=وأمسك يدك وآخذ نفس قربك بصدري واكتمه ؟ عشان ما تصبح ملامح غيبتك وحشة قبور=ويصير في وجه الفرح للشوق وحضورك سمه |
الله الله على الأبداع
صح لسانك مدد بلاعدد |
الله الله الله روعة واحساس راقي خيال شاعر وصياغة محترف صح لسانك يالهجير وبيض الله وجهك |
ألأستاذ المبدع الهجيــــــــــــر
صح لسانك وفكرك النير تقبل مروري المتواضع فلم أجد من الكلمات مايليق بهذه الرائعة فأثرت السكوت |
صح لسانك ملايين ياالهجير يااستاذ الابداع ومنهله الصافي
|
الشاعر والاديب الهجير من روائع الشعر من حيث الكلمات والمفردات والاسلوب الشعرى الفريد يبقى للهجير نكهة خاصة لا يعرفها الا محبوه وانا اول المولعين بك طال عمرك وبكلماتك الراقية جدا
|
اقتباس:
صح بدنك ما قصرت |
اقتباس:
الروعه في وجودك صح بدنك ووجهك أبيض |
وش تبغاني اقول غير صح لسانك واعتلاشانك ووفقك الله يامجرم الشعر وبعدين ثلاث من الاعضاء ذكرتهم فالقصيده وش السالفه سطور بحور غرور والله مفروض يكسونك |
اقتباس:
شكراً لمرورك وليتك لم تأثر السكوت |
| الساعة الآن 02:20 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع