ياحبيب الروح وينك طال صبري وانتضاري=الفراق ادما الجروح وساق قلبي للهلاك
كل يوم اموت واحيا وانت عنّي منت داري=لو يطول البعد قلبي ياحبيبي ما نساك
ياضنيني يابعد حيّيّ ويا اصحابي وجاري=ياهلي يادنيتي يامن ملك عمري هواك
وينك ياغاية مرادي تطفي الهيبي وناري=كيف تهجر قلبي اللي باع غيرك واشتراك
وانت لي شاطئ ومرسى وانت حدّي والمداري=ما ملك قلبي سواك ولا ملا عيني سواك
جنّتي والحب واحه والضنى طرد البراري=من سرابً في سراب وشوف عيني ما لقاك
يا مليح الوصف يا ضىّ الليالي والنهاري=ما غلب ضىّ الكواكب والنجوم الا ضياك
آه ياحوريتي لا هزّت الاشواق طاري=حلّقت كل الخوافق والهواجس في سماك
وزاد في قلبي ونينه واعلن حالات الطواري=وصار من عيني على الخدين للدمع اشتباك
والمحبين الفراق المُرّ له فيهم مواري=تنحل الاجسام ويجيهم متاهه ورتباك
يا عويد الخيزرانه يا غزاله يا قماري=اعتدل فيك الجمال وشاب شوفي في صباك
في فوادي لك محل وفي عيوني لك مزاري=كل ليله يزورني طيفك يسولف عن بهاك
شلت قلبي من ورى اضلاعي بكيفي واختياري=وين ماودك تغادرنا ترى قلبي معاك

ابداع مخلوط بماي الورد على القلب الاخضر الرقيق
سلمت وصح لسانك
توقيعي واعجابي يابو طلال لاعدمناك

ملك الليل