|
ذاب بالصمت الكلام
جيت واشواقي تسابق والوله ماله حـدود=جيت واعيوني تناظر ذاب بالصمت الكلام جيت وانا اشم عطرك امتلا منه الوجـود=جيت وانفاسي تلاحق جيت متعبني الهيام جيت ياخذني حنيني جيت متحري الوعود=جيت والبسمه حزينه شمس غطاها الغمام المكان الي جمعنا قام يصـرخ يالعنـود=قام ينشد عنك وينك وابتدى فينـي مـلام قلت انا جيت ابوعدها يوم وثقنا العهـود=جيت ادور عن شذاها جيت ناداني الغرام قلت تكفى كان مرت قلها حمر الخـدود=عذبوا عينٍ شقيه جفنها جـا فـا المنـام وان تمادت في سفرها قلها تكفـى تعـود=قلها قلبي وروحي عقبهـا باقـي صيـام الايادي كيف تكتب والمشاعر في ركـود=والقصايد كيف تطلع والمفاتن في خصـام زلزلتني يوم غابت مثل زلزلـة الرعـود=كل ما هميت بوقف طحت من قبل القيـام ملهمتني للقصايد موجعتني فـي الكبـود=يوم غابت عن سمانا قل على الدنيا السلام |
الهمس صح لسانك وعلا شانك ابيات روعه قمة الجمال والذوق الشعري والحس المرهف الهمس راقي ولا يقدم الا الجمال والابداع الف الف شكر |
صح لسانك مدد بلا عدد
|
صح لسانك وعلا شانك
|
صح لساانك الهمس نص شعري في غاية الرقي والجزاله من شاعر جزل الله لايهينك وبيض الله وجهك على هذا التميز |
الله عليك ياالهمس يامبدع وصح لسانك ملايين
زلزلتني يوم غابت مثل زلزلـة الرعـود كل ما هميت بوقف طحت من قبل القيـام |
صح لساااااااانك يالهمس
نص راق لي كثيراً وانتظر جديدك |
| الساعة الآن 12:08 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع