سلامي سلامن مثل نفح العطر منثور=على اللآبه اللي ماتبيّن سرايرها
عسى اللي يلمّ الشّمل ويفرّق المجبور=ومحصي البشر عالم بما في ضمايرها
يعين اللذي يضحك وهو خاطره مكسور=وعينه من الفرقا تسابق عبايرها
وفي صدره أتشبّ اللواهب كما التّنور=الايام ضدّه عاندت مايسايرها
طرى له يقدّم ساعته والزمن محصور=يبي لحظة التّوديع تبدي بشايرها
سواة الضّرير المشكله مايشوف النّور=ولا راى وافين الخلايق وبايرها
صحيح الوطن غالي ولو فيه بعض أقصور=ولا الغربه اللي يقطع القلب جايرها
يقوله ويثبت قوله الغايب الماسور=حباله قصيره مافتلها وغايرها
الافكار في راسه تروح وتجي بالدّور=وفكره تناسب له وفكره يطايرها
معاناه ماجاء شرحها في جمل وأسطور=تكفّي قبيله ثم تعمي بصايرها
الابيات مادوّنتها إلآ وأنا مقهور=وجنيّتي ماهي بعيده وشايرها
أنا بختصر وانتم خذو منّي الميسور=والاعذار توخذ والدماء في نثايرها

انوارك اضاحت لنا من امريكا ياابن الجنوب
رائعه بالفعل ابدعت فى التصوير ونقل الاحساس بابيات قصيره تحمل في طيها الكثير والكثير من الكلام
راقت لي كثيراً واعدت قراتها اكثر من مره
اعجابي لايقف عند حد بابن الجنوب
وكل رائعه يمتعنا بها
تقبل اجمل تحيه وتقدير

المشاركة الأصلية كتبت بواسطة لؤلؤة زهران (المشاركة 424219) شاعرنا القدير ابن الجنوب سلمت يداك على ماقدمت قصيدة في قمة الروعة و </i>

المشاركة الأصلية كتبت بواسطة ملك الليل999 (المشاركة 424238) انوارك اضاحت لنا من امريكا ياابن الجنوب رائعه بالفعل ابدعت فى التصوير ونقل الاحساس بابيات قصيره تحمل في طيها الكثير والكثير من الكلام راقت لي كثيراً واعدت قراتها اكثر من مره اعجابي لايقف عند حد بابن الجنوب وكل رائعه يمتعنا بها تقبل اجمل تحيه وتقدير