|
طريقة المندي بدون حفره ووجع راس بالصوره
بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين المرة هذي حبيت اشارككم في طبخة جميلة اتمنى انها ترتقي الى ذوقكم..... طريقة عمل او طبخ المندي بدون حفره في البداية يتم تقطيع اللحم قطع صغير على مقاس الكف ثم يوضع اللحم في صحن كبير عشان التمليح ويفضل انه يكون الملح زايد شوي بس انتبه اذا كان عندك ضغط او احد الاصدقاء طبعا من الضروري انه يطبخ على جمر زين وكثير ثم يوضع على الجمر المرخ يعني يفرش فرش { المرخ نبات ليس له اوراق غالبا يوجد في الشعبان والاوديه قرب المدن} ويضع عليه اللحم طبعا يراعى مقاس القدر مع كمية الجمر والمرخ كما سيأتي بعد ما يوضع اللحم على طبقة المرخ يغطى بطبقة اخرى من المرخ و لامانع من وضع فوقها قطع اللحم اذا كان محيط الجمر صغير بعدما يرص اللحم جيدا ثم تجيب الله لا يهينك قدر كبير على حسب قطر الجمر ثم تكبس القدر على اللحم والمرخ والافضل انك تستعرض بطولك وتوقف على القدر على شان ينكتم اكثر ولا يطلع دخان المرخ بعدين تكون انت مجهز خيش فاضية مبللة مويه بس مو تبليل بالحيل وترصها حول القدر وبعدين تكون قد جهزت من قبل الله يعزكم تراب مع مويه مثل الخلطه وترصه زين على الخيش والاماكن اللي يطلع منها دخان , ويبيلك تحط فوق القدر بلكه او حصاه وتحط حولها جمر افضل بعد كذا ريح ودق سواليف مع الشباب واظرب من الشاهي لمدة ساعة ونصف الى ساعتين الا ربع يكون باذن الله اللحم نجح وجاهز لكن انتبه لازم تنظف التراب اللي حطيته والخيش تنشال او تخليها بعيد عن اللحم ثم اعزل اللحم في صحن او تبي تحطه على الرز مباشرة اذا كان جاهز على فكرة الرز ماله طريقه معينة حسب الذووووق ويفضل انه رز ابيض بس مهوب الابيض حق الجاوه اللي مافيه الا رز وملح لا لكن تفننو في طبخه بالهنـــــــــــــــــــــــــــا والعافيــــــــــــــــــــــــــــــــــــــه ولكم تحياتي وتقديري ارجو التثبيت |
بيض الله وجهك 0وسوف نطبقها حرفيا 0وندعو لك
|
شوقتني لطلعة
تسلم على الطرح |
يميييييي
ياحلات المندى فى البر يعطيك العااااااااااااافيه .../ |
شرفني مروركم الكريم وكذلك الردود واتمنى من الجميع التجربة ويشوف ولايحكم على اول مره يجربها بعد التكرار تصير خبـــيييييييييييييييييير منديههههه واتركوا عنا المطاعم والمنادي الله المستعان |
السراحة انا طبقتها لكن مع الاسف جبت العيد
|
سلااااااااااااااامات ليه جبت العيد لا تقول طحت من فوق القدر قلت طبقها حرفياً وجرب مره مرتين ثلاثه وفي الاخير تصير شيخ الطلعات البريه rolleyes: على التجربة والرد |
يعطيك العافيه على روعة إنتقائك.. وسلمت أناملك على هذه الوصفة الرآئعه.. دمت بخير |
شـكــ وبارك الله فيك ـــرا لك ... لك مني أجمل تحية .
|
| الساعة الآن 09:46 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع