|
يامن لقلبن غربلته الهواجيس
هذه القصيده اخر انتاج علي السبيه الغلبان
يامن لقلب(ن) غربلته الهواجيس=وابراه همّه مثل بري المراسم وعطّلت دنياه كل الاحاسيس=هيمن شتاه على جميع المواسم لو ينتشر همّه تذوب التضاريس=حتى جبال الالب تغدي تقاسم وطاح برج ايفل على احضان باريس=واستنكرت كل الشفاه التباسم الوقت غادر والليالي جواسيس=والقلب يهوى لكن الحظ حاسم يفتل خيوط المكر خلف الكواليس=ويلمّع اكوابه وفيها ترى سم يااهل الموده ياالرجال القرانيس=كيف الرجاء ماعد للضيق ناسم كن الخوافق والمشاعر عوانيس=غيّم عليها الوقت والجو عاسم لا صارت اعلام السعاده مناكيس=تصبح حروف الشعر مثل الطلاسم ماعاد تغريه العيون النواعيس=ولا عاد يغريه احتفال ومراسم |
الله الله الله ابداع وجمال قصدك الشاعر علي الفنان وليس الغلبان صح لسانك وسلامة قلبك شاعرنا دمت بخير وعافيه مبدع وشاعر الابيات المتميزه الفريده التي تصيغها بمهاره تقبل مروري ولك الف شكر |
مبدع يابو طلال ومهما قلنا فيك لن نوفيك حقك لاخلا ولاعدم |
يفتـل خيـوط المـكـر خـلـف الكوالـيـس = ويـلـمّــع اكــوابــه وفـيـهــا تـــــرى ســـــم لله درررررررررررررك ياعلي السبية على هذا البيت ,,, ماهذا البيت يارجل ... قمة الجمال والفلسفة ... شاعر معروف لدي سابقا فكر وخيال شعري دافق ... ماشاء الله تبارك الله ... / لا صــارت اعــلام السـعـاده منـاكـيـس=تصبـح حـروف الشعـر مثـل الطلاسـم رائع ياعلي رائع ... / مـاعــاد تـغـريــه الـعـيــون الـنـواعـيـس= ولا عــــاد يـغـريــه احـتــفــال ومــراســـم مبدع ياعلي وصاحب فكر نيّـر واحساس عذب .. والحقيقة مدخل القصيدة واسم كاتبها شدني لقراءتها .. شكرا ياشاعرنا ... على هذا البوح الجميل ... |
اقتباس:
على اطرائك الطيب ومرورك اعتبره تتويج لي ولقصديتي المتواضعه |
اقتباس:
|
اقتباس:
على تشريفك الغالي ومرورك يشرفني واعتبره تاج على راسي[/ |
| الساعة الآن 07:36 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع